काठमाडौं– मोबाइल सेवाप्रदायक निजी कम्पनी एनसेलको लाइसेन्स नवीकरण भएको छ। हिजो नियामक निकाय नेपाल दूरसञ्चार प्राधिकरणले किस्ता सुविधा दिएर लाइसेन्स नवीकरण गरेको हो। एनसेलले ४ वटा किस्ता तिर्ने सर्तमा लाइसेन्स नवीकरण भएको प्राधिकरणले बताएको छ। २०८४ भित्र ब्याजसहितको किस्ता तिर्नुपर्ने छ।
४ किस्तामा प्रतिकिस्ता ५ अर्बको दरले पैसा बुझाउनु भर्ने छ। जसमा एनसेलले १ किस्ता अर्थात ५ अर्ब तिरिसकेको छ। बाँकी ३ किस्ताको ब्याजसहित २०८४ भित्र तिर्नु पर्ने छ।
प्राधिकरणका प्रवक्ता सन्तोष पौडेलले ४ किस्तामा पैसा तिर्ने गरी एनसेलको लाइसेन्स नवीकरण भएको बताए। उनले भने, ‘एनसेलले जेठ १४ गते ४ अर्ब बुझाएको थियो। हिजो १ अर्ब गरी ५ अर्ब बुझाएर लाइसेन्स नवीकरण गरेको छ। ४ किस्तामध्ये पहिलो किस्ता ५ अर्ब बुझाएको छ भने ३ किस्ता एनसेलले ब्याजसहित तिर्ने छ।’
बिहीबार बसेको मन्त्रिपरिषद् बैठकले एनसेललाई २० अर्ब रुपैयाँको नवीकरण शुल्क र ब्याजसहित ४ किस्ताको सुविधा दिएर लाइसेन्स नवीकरण गर्ने निर्णय गरेको थियो। सोही निर्णयअनुसार प्राधिकरणले एनसेलको लाइसेन्स नवीकरण गरेको हो।
भदौ १५ गते एनसेलको लाइसेन्सको अवधी सकिएको थियो। २० वर्षको लागि लिएको लाइसेन्सको म्याद सकिएपछि पुनः ५ वर्षको लागि लाइसेन्स नवीकरण भएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772442578.png)
-1753884802-(1)-1772440084.jpeg)
-1764146706.png)
