एमालेका मन्त्रीहरु बालकोट जाँदै, राजीनामा दिने सम्भावना

राजनीति

नेपाल लाइभ सोमबार, असार १७, २०८१ १८:०३

काठमाडौं– सत्ता फेर बदलको चर्चाले सत्तारुढ र प्रतिपक्षी दलबीच तरंग उत्पन्न भएको छ। केहीबेरअघि बसेको मन्त्रीपरिषद् बैठक सकिएलगत्तै नेकपा एमालेका मन्त्रीहरु बालकोट प्रस्थान गरेका छन्।

कांग्रेससँग मिलेर सत्ता समिकरण बनाउने चर्चाबीच प्रतिपक्षी कांग्रेस र एमाले सक्रिय देखिएको छ। जसका बारेमा छलफल गर्ने एमाले अध्यक्ष केपी शर्मा ओली निवास बालकोटमा मन्त्रीहरु गएका हुन्।

स्रोतका अनुसार एमालेबाट मन्त्री भएकाहरुले आजै वा भोलिसम्म राजीनामा दिने सम्भावना देखिएको छ। शनिबार कांग्रेस सभापति शेरबहादुर देउवा र एमाले अध्यक्ष ओलीबीच भेटवार्ता भएपछि सरकार परिवर्तनको चर्चा सुरु भएको हो।

यद्दपि सोमबार बिहान बालुवाटारमा प्रधानमन्त्रीसँगको छलफलमा ओलीले अहिले सत्ता समिकरण परिवर्तनको कुनै आवश्यकता नभएको बताएका थिए। कांग्रेसले पनि सोमबार अपरान्ह सभापति देउवानिवासमा यही विषयमा छलफल गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राजेन्द्र महतोको नेतृत्वमा राष्ट्रिय मुक्ति पार्टी निर्वाचन आयोगमा दर्ता

सप्तकोशीको कटान रोक्न अस्थायी र दीर्घकालिन योजना तयार गछौँ : गृहमन्त्री लेखक

कांग्रेसले संविधान संशोधनका निम्ति सबै दलसँग सहकार्य गर्ने