धनगढी- धनगढी उपमहानगरपालिकाको बजेट तथा नीति तथा कार्यक्रम पारित भएको छ। शुक्रबार बसेको नगर सभाले आर्थिक वर्ष २०८१/०८२ को बजेट र नीति तथा कार्यक्रम पारित गरेको हो।
धनगढी उपमहानगरपालिकाले आगामी आर्थिकका लागि २ अर्ब १८ करोड ४२ लाख ३२ हजार रुपैयाँ बराबरको बजेट ल्याएको थियो। उक्त बजेट उपप्रमुख कन्दकला रानाले नगर सभाको एघारौं अधिवेशनमा प्रस्तुत गरेकी थिइन्।
उपप्रमुख रानाद्वारा प्रस्तुत अनुमानित बजेटमा कुल खर्च चालुतर्फ एक अर्ब २० करोड १५ लाख ४४ हजार १ सय १७ छुट्टाइएको छ। पुँजीगत तर्फ ९८ करोड २६ लाख ८८ हजार एक सय दुई खर्च हुने अनुमान गरिएको छ ।
प्रस्तुत बजेटको आयतर्फ आन्तरिक आय ३६ करोड ६९ लाख ७६ हजार ०६५, राजश्व बाँडफाँटतर्फ ४८ करोड २९ लाख ५४ हजार ७ सय ८५, अन्तर सरकार वित्तीयतर्फ (संघ) एक अर्ब एक करोड ८७ लाख ३६ हजार, अन्तर सरकार (प्रदेश ) आठ करोड २८ लाख २८ हजार रुपैयाँ अनुमान गरिएको छ भने उपमहानगरपालिकाको मौज्दात २३ करोड २३ लाख ४६ हजार सात सय ७० रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
