काठमाडौं– असोज १३ गतेदेखि सुरू हुने सहिद स्मारक ‘ए’ डिभिजन लिग फुटबलको लागि राष्ट्रिय लिग च्याम्पियन थ्रीस्टार क्लबले २५ सदस्यीय टिम घोषणा गरेको छ। थ्रीस्टारले शुक्रबार सार्वजनिक गरेको टिममा २ जना विदेशी खेलाडी पनि छन्।
_x000D__x000D_
तर पछिल्लो समय थ्रीस्टारबाट खेलेका राष्ट्रिय टिमका फरवार्ड विमलघर्ती मगर भने टिममा छैनन्। थ्रीस्टारले बिहीबार मात्र राष्ट्रिय टिमका पूर्वकप्तान अनिल गुरुङसँग सम्झौता गरेको थियो।
_x000D__x000D_
गत सिजनको अन्त्यतिर भारतको मोहन बगान क्लबसँग आबद्ध भएका विमल त्यसपछि थ्रीस्टारबाट घरेलु प्रतियोगिता खेल्दै आएका थिए।
_x000D__x000D_
केही महिनाअघि थ्रीस्टारका एक पदाधिकारीले विमलसँग क्लब असन्तुष्ट रहेको नेपाल लाइभसँग बताएका थिए। थ्रीस्टारसँग सम्झौता नभएपछि विमलले नयाँ गन्तब्यबारे खुलाएका छैनन्।
_x000D__x000D_
लिगका लागि थ्रीस्टारको टिम
_x000D__x000D_
_x000D__x000D_
लिगमा थ्रीस्टारले पहिलो खेल फ्रेन्ड्स क्लबसँग असोज १५ गते खेल्दैछ।
_x000D__x000D_
लिगमा १४ ’ए’ डिभिजन क्लबहरू थ्री स्टार, मनाङ मस्याङ्दी, नेपाल पुलिस, एपिएफ, आर्मी, जावलाखेल युथ क्लब, फ्रेन्ड्स क्लब, सङ्कटा, मछिन्द्र क्लब, सरस्वती युथ क्लब, च्यासल युथ क्लब, न्युरोड टिम (एनआरटी) ,ब्रिगेड ब्वाइज र हिमालयन शेर्पा क्लबले खेल्नेछन् । राउण्ड रोविन लिगको आधारमा हुने प्रतियोगितामा कुल ९१ खेल हुनेछन्। लिगको विजेताले रु ५० लाख, उपविजेताले रु ३५ लाख, तेस्रोले रु २५ लाख पाउने छन्।
_x000D__x000D_
'ए’ डिभिजन लिग चार वर्षपछि हुन् लागेको हो। पछिल्लोपटक २०७१ सालमा ‘ए’ डिभिजन लिग भएको थियो।
_x000D_
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।