बैंकिङ क्षेत्रमा तरलता थुप्रिनेक्रम जारी, राष्ट्र बैंकले २५ अर्ब तरलता प्रशोचन गर्ने

अर्थ समाचार

नेपाल लाइभ शुक्रबार, जेठ १८, २०८१ १२:२५

काठमाडौं– नेपाल राष्ट्र बैंकले शुक्रबार २५ अर्ब रुपैयाँ तरलता प्रशोचन गर्ने भएको छ। बिहीबार पनि बैंकिङ प्रणालीबाट ५० तरलता प्रशोचन गरेको केन्द्रीय बैंकले दोस्रो दिन पुनः २५ अर्ब प्रशोचन गर्ने भएको हो।

निक्षेप संकलन उपकरणमार्फत ७ दिनका लागि २५ अर्ब रुपैयाँ प्रशोचन गर्न लागिएको केन्द्रीय बैंकले जनाएको छ। पछिल्लो समय बैंकिङ क्षेत्रमा बढ्दो निक्षेपको तुलनामा कर्जा लगानी हुन नसक्दा तरलता बढी रहेको छ।

गत जेठ १५ गतेसम्ममा बैंक तथा वित्तीय संस्थाहरूले कूल ६२ खर्ब ६अर्ब निक्षेप संकल गर्दै यता ५१ खर्ब २० अर्ब रुपैयाँ मात्र कर्जा लगानी गरेका छन्।

समीक्षा अवधिमा ८०.२७ प्रतिशत कर्जा निक्षेप अनुपात (सीडी रेसियो) कायम गरेका बैंकहरुसँग ५ खर्ब बढी लगानीयोग्य रकम रहेको छ। बैंकहरुसँग पर्याप्त तरलता रहेकैले अन्तर बैंक ब्याजदर २.९६प्रतिशतमा झरेको छ भने ट्रेजरी बिलको ब्याजदर समेत अधिकतम ३.२० प्रतिशतमा खुम्चिएको छ।

जसले गर्दा पनि केन्द्रीय बैंकले पछिल्ला दिनहरुमा रिभर्स रिपो अर्थात् निक्षेप संकलन उपकरणमार्फत लगातार बैंकिङ प्रणालीमार्फत तरलता प्रशोचन गरिरहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रतिनिधिसभा बैठक बस्दै, यस्तो छ कार्यसूची

मिनी ट्रक दुर्घटनामा एक जनाको मृत्यु

आजको मौसमः तराईमा हुस्सु, पहाडमा सामान्यतया सफा रहने