काठमाडौं– बैंकिङ्ग सेवा आजभोलि दैनिकी जस्तै बनेको छ। पैसा निकाल्न वा राख्न, कार्ड सम्बन्धि काम, एटीएम, स्टेटमेन्ट, मोबाइल बैंकिङ्ग जस्ता अनेक काम हुन्छन्। यस्ता सबै काम एउटै प्लेटफर्ममा उपलब्ध भएमा काम गर्न धेरै सहज र सरल पक्कै हुन्छ।
यी सबै काम गर्न सक्नेगरी एन आई सी एशिया बैंकले ल्याएको छ डिजिटल प्लेटफर्म इसर्भिस। जहाँबाट घरमै बसिबसी अनलाइनबाट सबै किसिमका बैंकिङ्ग कारोबार गर्न सकिन्छ। जस्तो कि भुक्तानी, कार्ड, मोबाइल बैंकिङ्ग, ग्राहक सेवा, डिपोजिट सेवा, शेयर सम्बन्धि सेवालगायतका धेरै सेवाहरु रहेका छन्।
इसर्भिस सेवा बैंकको वेबसाइट ‘डब्लुडब्लुडब्लु डट एनआईसी एशिया बैंक डटकम’मा उपलब्ध छ। डिजिटल कारोबारलाई अझ बढी सुरक्षित बनाउन इसर्भिस सेवालाई विभिन्न तहको सुरक्षा अपनाइएको छ।
इसर्भिसभित्र मुख्य ९ डोमेनहरू पेमेन्ट सर्भिस, कस्टुमर सर्भिस, कार्ड सर्भिस, डकुमेन्ट भेरिफिकेसन, मोबाइल बैंकिङ्ग, टेलर सर्भिस, अनलाइन सर्भिस, विकम मर्चेन्ट र ट्रेड सर्भिस रहेका छन्। यिनै ९ वटा डोमेनभित्र ३३ सेवाहरू उपलब्ध छन्।
पेमेन्ट सर्भिस
यहाँबाट भुक्तानीको काम गर्न सक्नुहुन्छ। जस्तो कि कलेज पेमेन्ट, मोबाइल टपअप गर्न, ब्लुबुक नवीकरण र विद्युत बिल तिर्न सक्नुहुन्छ।
कस्टुमर सर्भिस
यहाँ उपलब्ध रहेको अर्को सेवा हो कस्टुमर सर्भिस। यहाँ आफ्नो खाता ह्याक वा स्क्याममा परेमा खाता बन्द गराउन, चेकको लागि अनुरोध गर्ने वा बन्द गराउने, स्किम परिवर्तन गर्ने, ब्यालेन्स सर्टिफिकेट लिन र लकर सुविधाको लागि फर्म पर्ने सुविधा रहेको छ।
कार्ड सर्भिस
यहाँबाट कार्ड सम्बन्धि विभिन्न काम गर्न सक्नुहुन्छ। नयाँ कार्ड अनुरोध गर्न, डेविट कार्ड ब्लक र अनब्लक गर्न र रि–पिन अनुरोध गर्न सकिन्छ।
डकुमेन्ट भेरिफिकेसन
यहाँबाट बैंक ग्यारेन्टी भेरिफिकेसनको काम गर्न सकिन्छ।
मोबाइल बैंकिङ्ग
तपाईंहरुले मोबाइल बैंकिङ्ग सेवा पक्कै पनि प्रयोग गरिरहनु भएको छ। यहाँ रहेको ‘न्यु रजिष्ट्रेसन’बाट मोबाइल बैंकिङ्ग सेवा रजिष्ट्रेसन र नवीकरण गर्न सकिन्छ। यहीबाट मोबाइल बैंकिङ्ग बन्द गर्न परेमा ‘ब्लक मोबाइल बैंकिङ्ग’बाट गर्न सकिन्छ। साथै, पुनः शुचारु गर्न चाहेमा ‘अनब्लक मोबाइल बैंकिङ्ग’ गर्न सकिन्छ। ‘पिन रिसेट’बाट पिन नम्बर रिसेट गर्न सकिन्छ।
टेलर सर्भिसभित्र २ सेवा
एन आई सी एशिया बैंकले टेलर सेवालाई सरल र सहज बनाउन डिजिटल सेवालाई पनि प्रयोग गरिरहेको छ। बैंकमा डिपोजिट गर्न जाँदा ग्राहकले बैंकमा गएर टोकन लिने, भौचर भर्ने, लाइन बस्नु पर्ने बाध्यता छ। यस बैंकले ग्राहकको लागि यी सबै प्रकृयाहरुमा समय खर्च गर्न नपरोस् भनेर यहाँबाट केही डिजिटल सेवा दिइरहेको छ।
टेलर सर्भिसभित्र डिजिटल सेवा लिँदा बैंकका रकम डिपोजिट गर्न सामान्य अवस्थामा जस्तो लामो लाइन बस्नु पर्दैन। टेलर सेवाभित्र दुई अप्सन छन्, चेक डिपोजिट रिक्वेस्ट र क्यास डिपोजिट रिक्वेस्ट। बैंकमा चेक डिपोजिट र क्यास डिपोजिट गर्न जाँनुभन्दा पहिले नै घरमै बसेर भौचर भर्न सकिन्छ। भौचर भरिसकेपछि मोबाइलमा एक कोड नम्बर आउँछ। त्यो कोड नम्बर लिएर ग्राहक बैंक जाने र काउन्टरमा दिने हो भने अरु जस्तो लाइनमा पालो कुरिरहनु पर्दैन।
अनलाइन सर्भिस
इसर्भिसमा रहेको अनलाइन सर्भिसबाट अनलाइन अकाउन्ट खोल्न सकिन्छ। त्यस्तै, मेरो सेयर र सिआरएन अनुरोध गर्न, आईपीओ भर्न सक्नुहुन्छ। त्यस्तै, अरु कसैले खाता चलाएको थाहा भएमा, नचाहेको ठाउँमा भुक्तानी भएमा, डेविट वा क्रेडिट कार्डको भुक्तानी लगायतका अन्य कुनै समस्य भएमा ‘डिसप्युट क्लेम’ भन्ने अप्सनबाट फर्म भर्न सक्नुहुन्छ। साथै, भी–केवाइसी र इस्टाबाइ सेवा पनि यहाँबाट लिन सकिन्छ।
विकम मर्चेन्ट
मर्चेन्टको रुपमा व्यवसायिक कारोबार गर्न चाहनुहुन्छ भने यस बैंकको इसर्भिस सेवामा रहेको ‘विकम मर्चेन्ट’बाट विभिन्न सेवाहरु लिन सक्नुहुन्छ। जस्तो कि पोइन्ट अफ सेल (पीओएस) लिन, क्युआर डिस्काउन्ट टाइअप गर्न, कार्ड पेमेन्ट गेटवे र क्विक पेका लागि यहाँबाट सेवा लिन सक्नुहुन्छ।
ट्रेड सर्भिस
यहाँ रहेको ट्रेड सर्भिसबाट बैंक ग्यारेन्टी सम्बन्धि काम गर्न सक्नुहुन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
