जीबी राईलाई फरार र दीपेश पुनसहितलाई १ अर्ब बिगाे दावी पेश गर्दै मुद्दा दायर गर्ने तयारी

अर्थ समाचार

सुप्रिम सहकारी ठगी : जीबी राईलाई फरार र दीपेश पुनसहितलाई १ अर्ब बिगाे दावी पेश गर्दै मुद्दा दायर गर्ने तयारी

नेपाल लाइभ सोमबार, वैशाख ३, २०८१ ०६:४८

बुटवल - बुटवलस्थित सुप्रिम बचत तथा ऋण सहकारीमा भएकाे ठगीमा मुद्दा दायर हुने भएकाे छ। घोटालाबारे अनुसन्धान सकेर प्रहरीले अनुसन्धान प्रतिवेदन जिल्ला सरकारी वकिलकाे कार्यालयमा बुझाएको हो ।

प्रतिवेदनको अध्ययन गरेर साेमबार मुद्दा दायर गर्ने सरकारी वकिलकाे तयारी छ । ओखलढुंगा घर भएका गितेन्द्रबाबु (जीबी) राईसहित २८ जनालाई प्रतिवादी बनाउने राय अनुसन्धान प्रतिवेदनमा दिइएको छ । १ अर्ब २ करोड सर्वसाधारणकाे रकम घाेटाला भएकाले साेही बराबरकाे बिगाे दावी लिनुपर्ने प्रतिवेदनको राय छ ।

सुप्रिमको रकम हिनामिना प्रकरणमा अध्यक्ष ओमप्रसाद गुरुङ, पूर्वउपराष्ट्रपति नन्दबहादुर पुनका छोरा एवं पूर्वकोषाध्यक्ष दिपेश पुन, दुर्गा चापागाई पाण्डे, दिपक न्यौपाने र निता थापा मगर पक्राउ परेका छन् । ५ जनाबाहेक अरूलाई फरार प्रतिवादी कायम गरिएको छ । पुन चैत २ मा काठमाडौँबाट पक्राउ परेका हुन् ।

सुप्रिम सहकारीमा राखेको निक्षेप हिनामिना गरेर ठगी गरेको आरोप लगाएर १ हजार ८३१ जनाले इलाका प्रहरी कार्यालय बुटवलमा जाहेरी दिएका छन् । उनीहरूको ८६ करोड १८ लाख २३ हजार रकम हिनामिना भएको देखिएको छ । तर, सहकारीको कुल १ अर्ब २ करोड रकम हिनामिना भएको प्रहरीको अनुसन्धान निष्कर्ष छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

राप्ती स्वास्थ्य विज्ञान प्रतिष्ठानको शून्य बेरुजु

वीरगञ्जको परवानीपुरदेखि पटेलनगर क्षेत्रमा जल निकासी प्रणालीमा सुधार हुन्छ – मन्त्री यादव

लुम्बिनी प्रदेश सभाको बैठक बस्दै, यस्तो छ कार्यसूची