लगानी सम्मेलनमा लगानी गर्न आउने तयारीमा रहेका लगानीकर्ता निराश छन् : महत

अर्थ समाचार

नेपाल लाइभ बुधबार, चैत २८, २०८० १२:१०

काठमाडौं- पूर्वअर्थमन्त्री डा प्रकाशशरण महतले आगामी लगानी सम्मेलनमा लगानी गर्न आउने तयारीमा रहेका लगानीकर्ता निराश भएको टिप्पणी गरेका छन्।

नेपाल उद्योग वाणिज्य महासंघको ५८औँ वार्षिक साधारणसभामा बुधबार उनले यस्तो बताए। ‘लगानी सम्मेलनमा भाग लिन मात्र होइन, लगानी गर्न आउने लगानीकर्ता आउँदै थिए। तर अहिले निराश भएका छन्। विश्वास दिलाउने काम सरकारको हो,’ उनले भने।

यस्तै कन्ट्री रेटिङमा पनि अहिलेको सरकारले चासो नदेखाएको बताए। यस्तै आर्थिक वृद्धि र उत्पादनको नेतृत्व निजी क्षेत्रले लिनुपर्ने बताए। ‘वितरणमुखी बाटोमा जाने, सहकार्यको कुरा निजी क्षेत्रसँग गर्ने तर व्यवहारमा नउतार्ने प्रवृत्ति छ। सरकारले पूर्वाधार तयार गरिदिनु पर्छ। नीति बनाइदिनु पर्छ’, उनले भने।

कुरा गर्ने तर काम नगर्ने परिपाटी जारी रहे अर्थतन्त्रले समातेको सुधारको भत्किन सक्नेसमेत बताए। ‘वितरणमुखी हुँदै गए, मौखिक रुपमा मात्र सहकार्यको कुरा गर्ने तर व्यवहारमा काम नगर्ने हो भने अर्थतन्त्रले अंगालेको बाटो भंग हुन सक्छ’, महतले भने, ‘कुराले मात्र सुधार हुँदैन। व्यवहारमा काम गर्न आवश्यक छ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

रौतहटमा औषधि पसल अनुगमन गर्न गएको टोलीमाथि आक्रमण, दुईजना घाइते

नेपाली टोलीको युके भ्रमण : अभ्यास खेलमा भीम र दीपेन्द्रले हाने शतक

नदीमा पानीको प्रवाह कम हुँदा विद्युत् उत्पादनमा कमी