काठमाडौं– चालू आर्थिक वर्षको फागुन मसान्तसम्म (८ महिना) मा करिब नौ अर्बको मसला भित्रिएको छ। ८ महिनामा कूल ८ अर्ब ८६ करोड ८५ लाख रुपैयाँको मसला आयात भएको केन्द्रीय भन्सार कार्यालयले जनाएको छ।
जसमध्ये १ अर्ब ७१ करोड बराबरको १२ हजार ८९८.०७ मेट्रिक टन लसुन आयात भएको छ। १ अर्ब ७० करोड रुपैयाँ बराबरको ३ हजार ४४१.०५ मेट्रिक टन जिरा आयात भएको छ भने ५७ करोड ७२ लाख रुपैयाँ बराबरको ४ हजार ५१४.७६ मेट्रिक टन धनिया आयात भएको छ।
यस्तै सोही अवधिमा १ अर्ब ५३ करोड ३१ लाख रुपैयाँ बराबरको ९५५.४० मेट्रिक टन सुकुमेल, १ अर्ब ८० करोड ४१ लाख रुपैयाँको ६ हजार ५०३.६३ मेट्रिक टन खुर्सानी २१ करोड ६४ लाख रुपैयाँ बराबरको १ हजार ५८.०५ मेट्रिक टन बेसार, २१ करोड ६५ लाख ७४ हजार रुपैयाँको २५७.५७ मेट्रिक टन ल्वाँङ, १९ करोड ९६ लाख ४६ हजार रुपैयाँको ४०४.२३ मेट्रिक टन मरिच आयात भएको छ। १८ करोड रुपैयाँ बराबरको ६२९.०६ मेट्रिक टन अदुवा ,११ करोड १५ लाख रुपैयाँको ४०८.३२ मेट्रिक टन दालचिनी र ८० करोड २७ लाख रुपैयाँ बराबरको अन्य मसलाहरु आयात भएको छ।
स्रोतः भन्सार विभाग
वार्षिक ३ अर्ब बाहिरिन्छ जिरा आयातमा
चालू आर्थिक वर्षको फागुन मसान्तसम्ममा १ अर्ब ७० करोड रुपैयाँ बराबरको ३ हजार ४४१.०५ मेट्रिक टन जिरा आयात भएको भन्सार विभागको तथ्यांकमा उल्लेख छ। आर्थिक वर्ष २०७९/०८० मा २ अर्ब २ करोड ५ लाख रुपैयाँ बराबरको जिरा आयात भएको छ।
आर्थिक वर्ष २०७८/०७९ मा २ अर्ब ७ करोड ८१ लाख रुपैयाँको ८ हजार ४६२.७१ मेट्रिक टन जिरा आयात भएको थियो। यस्तै, आर्थिक बर्ष २०७८/७९ मा २ अर्ब ७ करोड ८० लाख ५१ हजार रुपैयाँको ८४६२.७१मेट्रिक टन जिरा आयात गरेको थियो।
आर्थिक वर्ष २०७७/७८ मा २ अर्ब ४५ करोड ८९ लाख ९८ हजार रुपैयाँ बराबरको जिरा आयात भएको थियो। यस्तै, आर्थिक वर्ष २०७६/७७ मा २ अर्ब २६ करोड ६८ लाख २२ हजार रुपैयाँ बराबरको जिरा आयात भएको छ। आर्थिक वर्ष २०७५/७६ मा एक अर्ब ८९ करोड ६६ हजार रुपैयाँ बराबरको आयात भएको थियो। बजारमा जिराको खपत बढेसंगै आयात पनि बर्सेनि बढ्दै गएको सरोकारवालाहरु बताउँछन्।
लसुन आयात बढ्दो
लसुन नेपालको हिमालीदेखी तराईका भू–भागसम्म खेती गर्न सकिन्छ तर हरेक वर्ष बाहिरी मुलुकबाट आयात गरेर माग धान्दै आएको छ। पछिल्लो समय लसुन आयात बढ्दो रुपमा रहेको छ।
पछिल्ला आर्थिक वर्षहरुमा डेढ अर्ब बढीको लसुन आयात भएको भन्सार विभागको लतथ्यांकले देखाएको छ। आर्थिक वर्ष ०७५–०७६ मा ८३ करोड ३० लाख ३३ हजार रुपैयाँको ९ हजार २७७.०८ मेट्रिक टन लसुन आयात भएको थियो।
आर्थिक वर्ष ०७६–०७७ मा ७५ करोड ४२ लाख २७ हजार रुपैयाँको ६ हजार ९७३.२६ मेट्रिक टन, आर्थिक वर्ष ०७७–०७८ मा १ अर्ब ५० करोड १९ लाख २७ हजार रुपैयाँको १३ हजार ४२५.१३ मेट्रिक टन लसुन आयात भएको देखिन्छ।
आर्थिक वर्ष ०७८–७९ मा १ करोड २४ लाख १ हजार रुपैयाँको ४७ हजार ५६४.०७ मेट्रिक टन लसुन आयात भएको छ। आर्थिक वर्ष २०७९/०८० मा १ अर्ब २४ करोड ६४ लाख ५७ हजार रुपैयाँको १० हजार ४३५.३५ मेट्रिक टन लसुन आयात भएको थियो। चालू आर्थिक वर्षको फागुन मसान्तसम्ममा १ अर्ब ७१ करोड बराबरको १२ हजार ८९८.०७ मेट्रिक टन लसुन आयात भएको छ।
वार्षिक २ अर्बको खुर्सानी आयात
चालू आर्थिक वर्षको फागुन मसान्तसम्ममा १ अर्ब ८० करोड ४१ लाख रुपैयाँको ६ हजार ५०३.६३ मेट्रिक टन खुर्सानी आयात भएको छ। यस्तै गत आर्थिक वर्ष २०७९/०८० मा १ अर्ब ७१ करोड ५९ लाख ८७ हजार रुपैयाँको ८ हजार ६२६.०७ मेट्रिक टन खुर्सानी आयात भएको थियो।
२०७८/०७९ मा १ अर्ब ७७ करोड ४१ लाख रुपैयाँको १० हजार ८४५.०१ मेट्रिक टन खुर्सानी आयात भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751793737.png)
-1749826086.png)
