सकियो २५ औँ फ्लोरा एक्स्पो,४ दिनमा १ कराेडकाे कारोबार भएकाे दाबी

अर्थ समाचार

नेपाल लाइभ आइतबार, चैत ४, २०८० २०:३३

काठमाडौं - भृकुटीमण्डपमा आयोजित २५ औं फ्लोरा एक्स्पोमा एक करोडको कारोबार भएको नेपाल फ्लोरिकल्चर एसोसिएसन (फ्यान) ले जनाएको छ।

फ्यानको आयोजनामा चैत १ गतेदेखि ४ गतेसम्म सञ्चालन भएको मेलाबाट पुष्प व्यवसायीहरूले १ करोड ५ लाख ५ हजार रुपैयाँको कारोबार गरेका फ्यानका अध्यक्ष मिनबहादुर लामाले जानकारी दिए।

उक्त मेलामा ४९ हजारले अवलोकन गरेको उनको भनाइ छ। फ्यानले लिएको लक्ष्यभन्दा बढीकाे कारोबार भएको छ। मेलामा ५० हजार जनाले अवलोकन गर्ने र १ करोड रुपैयाँ बराबरको कारोबार हुने फ्यानको अनुमान थियो।

मेलाको पहिलो दिन चैत १ गते सात हजार ५०० जनाले अवलोकन गरेका थिए भने १७ लाख ५० हजार रुपैयाँको कारोबार भएको थियो। चैत २ गते १५ हजार बढीले अवलोकन गरेका छन् भने ३२ लाख ५० हजार रुपैयाँ बराबरको कारोबार भएको जनाएको छ।

त्यस्तै ३गते १७ हजारबढीले अवलोकन गरेका थिए भने ३५ लाखको कारोबार भएको थियो। मेलामा व्यावसायिक ६०, ल्याण्डस्केपिङ तीन, अफिसियल आठ, प्रतियोगितात्मक प्रदर्शनी एक र फूड एक वटा फूडसहित जम्मा ७३ वटा स्टल रहेकाे थियाे। मेला अवलोकनका लागि सर्वसाधारणका लागि १५० र विद्यार्थीका लागि १ सय शुल्क तोकिएकाे थियाे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

फागुन ५ मा प्रधानमन्त्री ओलीले लुम्बिनी प्रदेशसभा बैठकमा सम्बोधन गर्ने

फेसबुकमा नकारात्मक कमेन्ट र शेयर नगर्न कार्यकर्तालाई परराष्ट्रमन्त्री राणाको अनुरोध

चलचित्रसम्बन्धी अध्ययनका लागि छात्रवृत्ति