गठबन्धनमा जोडिनुअघि मधेश सरकारबारे प्रष्ट हुनुपर्ने जनमत पार्टीको निर्णय

राजनीति

नेपाल लाइभ सोमबार, फागुन २१, २०८० १५:१५

काठमाडौं- नवगठित सत्ता गठबन्धनलाई साथ दिनुअघि जनमत पार्टीले मधेश सरकारबारे प्रष्ट हुनुपर्ने निर्णय गरेको छ। सोमबार बसेको पार्टीको सचिवालय बैठकले सो निर्णय गरेको एक पदाधिकारीले बताए।

मधेश प्रदेश सरकारबारे जनमत पार्टी पहिल्यैदेखि असन्तुष्ट रहँदै आएको थियो। सुरुवातमा आलोपालो सरकारको नेतृत्व गर्ने सहमति पनि कार्यान्वयन नहुने देखेपछि अघिल्लो महिना उसले सरकार छाडेको थियो। सरकारमै छँदा पनि मुख्यमन्त्रीप्रति जनमत पार्टी आक्रामक थियो।

सो प्रदेशमा जसपाका सरोजकुमार यादव मुख्यमन्त्री छन्।

त्यस्तै गठबन्धनमा जोडिनुअघि जनमत पार्टीले गठबन्धनमा पार्टीको भूमिकाबारे पनि प्रष्ट हुन चाहेको छ। अघिल्लो वर्ष पुस १० मा गठबन्धन निर्माण हुँदा जनमत पार्टी पनि सरकारमा सहभागी भएको थियो। तर पछि उसले सरकार छाडेको थियो। पुनः ऊ सरकारमा सहभागी भएको थियो।

यसपटक उसले गठबन्धनमा आफ्नो भूमिका, आफूले पाउने मन्त्रालय लगायतका विषयमा पहिल्यै प्रष्ट हुने चाहेको देखिन्छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मधेश केन्द्रित दलहरुको संयुक्त बैठक बस्दै

गाजामा युद्धविरामबारे अमेरिकासँग छलफल गर्दै इजरायल

गण्डकी प्रदेशसभाको हिउँदे अधिवेशन सुरु हुँदै