काठमाडौं- वर्तमान सत्ता-गठबन्धन धरमराएसँगै नयाँ समीकरणको कसरत सुरु भएको छ। सत्ता-गठबन्धनको सोमबार बिहानका लागि बोलाइएको बैठक स्थगित भएको छ भने दलहरु आन्तरिक छलफलमा जुटेका छन्।
नेकपा एमालेले सोमबार बिहान आकस्मिक रुपमा सचिवालय बैठक बोलाएको छ। बैठक केपी ओली निवास बालकोटमा बसिरहेको छ। फागुन २५ गतेका लागि तय गरिएको भए पनि एमालेले आकस्मिक रुपमा आजै बैठक बोलाएको हो।
सत्ता-गठबन्धनको बैठक स्थगित भएसँगै माओवादी केन्द्रले पनि पदाधिकारी बैठक बोलाएको छ। माओवादी केन्द्रको बैठक प्रधानमन्त्री निवास बालुवाटारमा जारी रहेको प्रधानमन्त्रीको सचिवालयले जनाएको छ।
बैठक संक्रमणकालीन न्यायको विषयमा छलफल गर्नका लागि बोलाइएको बताइएको छ। नयाँ गठबन्धन निर्माणको प्रयास चलिरहेकाले त्यस सम्बन्धमा ठोस निर्णय हुन सक्ने आकलन छ।
नयाँ समीकरणको प्रयास स्वरुप राष्ट्रिय स्वत्नन्त्र पार्टी (रास्वपा) पनि आन्तरिक छलफलमा जुटेको छ।
यस्तै नेपाली कांग्रेसका सभापति शेरबहादुर देउवा पनि आन्तरिक छलफलमा जुटेका छन्।
जनता समाजवादी पार्टी (जसपा)ले पनि सोमबार बिहानका लागि कार्यकारिणी समिति बैठक बोलाएको छ।
सत्ता-गठबन्धनको बैठक स्थगित हुनु र सत्तापक्षदेखि प्रतिपक्ष सबै दलहरुले आकस्मिक रुपमा आन्तरिक छलफललाई तीव्र पार्नुले सत्ताको नयाँ समीकरण तयार भएको संकेत गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768197745.png)
-1764146706.png)
