सिन्धुपाल्चोक- स्वास्थ्य तथा जनसंख्या मन्त्री मोहनबहादुर बस्नेतले जनताको काम नगर्नेलाई गफ लगाएको आधारमा मात्रै निर्वाचनमा भोट हाल्न नहुने बताएका छन्।
सिन्धुपाल्चोकको निर्वाचन क्षेत्र नम्बर २ मा पर्ने पाँचपोखरी थाङपाल गाउँपालिका- ४ थाङपालकोटमा आयोजित नागी टासी छ्योलिङ्ग गुम्बाको शिलान्यास कार्यक्रममा मन्त्री बस्नेतले जनप्रतिनिधिले मुद्दा-मामिलादेखि विकास निर्माणका साथै जनताको आपत-विपदमा सबै काम गर्नुपर्ने उल्लेख गरे।
उनले आफूले जनताका सबै समस्याहरुमा सहयोगी भएर काम गर्ने दाबी समेत गरे। ‘६ महिना सञ्चार मन्त्री हुँदा यस जिल्लामा ५२ वटा टेलिफोन टावर बनाएकै हुँ। अहिले स्वास्थ्य मन्त्री छु। ३९ वटा स्वास्थ्य संस्थाका भवन निर्माण हुँदैछन्। अर्को वर्ष सबै निर्माण सम्पन्न हुनेछन्, उनले भने।
उनले चुनावको बेला राजनीति गर्ने भए पनि सामाजिक काममा सबै एक ढिक्का भएर लाग्नुपर्नेमा जोड दिए। विगतमा जितेका जनप्रतिनिधिहरुको ध्यान २०७२ को भूकम्पले नष्ट गरेका गुम्बा र मठमन्दिर निर्माण गर्नेतिर नभएकोले अहिलेसम्म पुनःनिर्माण हुन नसकेको उनको भनाइ थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
