काठमाडौं- जनता समाजवादी पार्टीका सांसद प्रदीप यादवले सहकारी ठगी प्रकरणमा संलग्न व्यक्ति जीबी राई लगायतलाई पक्राउ गरी कारबाही गर्न सरकारसँग माग गरेका छन्।
शुक्रबार प्रतिनिधि सभा बैठकमा आकस्मिक समयमा बोल्दै सांसद यादवले जीबी राईको संलग्नता रहेको वीरगञ्जको सानो पाइला बचत तथा ऋण सहकारी संस्था लिमिटेडले १३५ करोड रुपैयाँ बचत लिएर भागेको बताए।
उनले वीरगञ्जबासीले प्रहरीमा उजुरी दिए पनि हालसम्म छानबिन अगाडि नबढेको भन्दै उनले राईले विना धितो वीरगञ्ज बाहिरका ७५ जनालाई ९४ करोड रुपैयाँ दिएको पनि बताए। उनले हालसम्म जीबी राई लगायतलाई किन पक्राउ गरिएन भनेर प्रश्न समेत गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
