गठबन्धन निरन्तरता हुने भन्दै देउवाले भने– वर्तमान गठबन्धनभित्र रहेर काम गर्ने प्रमुख दायित्व नेपाली कांग्रेसको हो

राजनीति

नेपाल लाइभ बिहीबार, फागुन १०, २०८० १९:१३

काठमाडौं– नेपाली कांग्रेसका सभापति शेरबहादुर देउवाले अहिलेको वर्तमान गठबन्धन दायबायाँ नहुने संकेत गरेका छन्।

महासमितिको समापन समारोहमा सम्बोधन गर्दै उनले सत्ता गठबन्धनप्रति नेपाली कांग्रेस प्रतिबद्ध गरेको दोहोर्‍याए। महासमिति बैठकमा गठबन्धन गरेर जान नहुने भनी प्रतिवेदन पारित भए पनि सभापति देउवाले सत्ता गठबन्धनमा कुनै असर नपर्ने दाबी गरेका हुन्।

देशभित्र नभई नेपाली कांग्रेसले लिने नीतिगत निर्णयले अन्तर्राष्ट्रिय जगतमा पनि अर्थ राख्ने उनले बताए। उनले नेपाली कांग्रेसले लिने निर्णय समय सापेक्ष र दुरदर्शी हुने दाबी गरे।

उनले विगतका अनुकूल र प्रतिकूल अवस्थामा पनि राजनीतिक मियोको रुपमा नेपाली कांग्रेस रहेको उनले बताए। उनले महासमिति बैठकले नेपाली कांग्रेसप्रति थप विश्वास गर्ने वातावरण बनेको दाबी उनले गरे।

उनले वर्तमान गठबन्धनको सरकारको प्रमुख भएकाले निरन्तर सहयोग गर्दै देशमा विकास ल्याउने मुख्य दायित्व नेपाली कांग्रेसको भएको दाबी गरे। उनले यो बैठकले नेपाल र नेपाली कांग्रेसको राजनीतिमा ऐतिहासिक महत्व राख्ने दाबी गरे।

गोदावरीमा चलेको महासमिति वैठक चारवटा प्रतिवेदन पास गर्दै बिहीबार समापन भएको छ। उक्त महासमितिबाट पास भएका प्रतिवेदनहरु केन्द्रीय समिति बैठकमा छलफल हुने सभापति देउवाले बताएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

के समस्याले अस्पताल भर्ना भए माधव नेपाल?

सीके राउतको फुर्सद भएपछि पार्टी एकता हुन्छः रञ्जिता श्रेष्ठ

श्रीलङकाः हेलिकप्टर दुर्घटनाान छ जनाको मृत्यु, छ सख्त घाइते