नेपाललाई धर्म निरपेक्ष बनाउनु दुर्भाग्यः शशांक कोइराला

राजनीति

नेपाल लाइभ बिहीबार, फागुन १०, २०८० १८:१४

काठमाडौं– नेपाली कांग्रेसका नेता डा शशांक कोइरालाले नेपाललाई धर्म निरपेक्ष बनाउनु दुर्भाग्य भएको बताएका छन्। बिहीबार महासमिति बैठकको समापन समारोहमा बोल्दै उनले यस्तो बताएका हुन्।

उनले धर्म निरपेक्ष र सापेक्ष नभइ स्वतन्त्र हुने बताए। उनले धर्म निरपेक्ष बनाउन नै गलत भएको जिकिर गरे। उनले ३६४ दिन कांग्रेस बन्ने, मत हाल्ने दिन अरु बन्नेकुरा राम्रो नहुनेसमेत बताए।

उनले भने, ‘धर्मसम्बन्धी एउटा कुरा हो। धर्म न निरपेक्ष हुन्छ, न धर्म सापेक्ष हुन्छ। धर्म स्वतन्त्र हुन्छ। चार तारामध्ये एउटा तारा धर्म स्वतन्त्रताको प्रतिक हो। धर्म स्वतन्त्र हुन्छ। तर दुर्भाग्यवश हामीले धर्म निरपेक्ष बनायौं, यो गलत हो। हाम्रो पार्टी कमजोर छैन, हामीले गठबन्धन गर्नुपर्ने आवश्यकता म देख्दिनँ। गठबन्धन आफ्नो साथीहरुसँग गर्नुस्। नेपाली कांग्रेसको जुन मत खस्छ, त्यो ३६४ दिन कांग्रेस बन्ने, मत हाल्ने दिन अरुको बन्ने त्यस्तो कांग्रेस हामीलाई चाहिँदैन। चुनावभन्दा पहिला नै गठबन्धन गर्नु दुर्भाग्य हो। गठबन्धन त चुनाव भइसकेपछि सरकार बनाउँदा गर्नुपर्छ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पाथीभरा केबलकार विवादः दुई वार्ता समूह बिच आज पनि छलफल हुँदै

कर्णालीमा पाँच हजारभन्दा बढी शिक्षकको दरबन्दी रिक्त

यू.के. पठाउने भन्दै ३७ लाख बढि ठगीको आरोपमा एक जना पक्राउ