कांग्रेस महासमिति : बन्दसत्र सुरु, उपसभापति खड्काले नीति प्रस्ताव पेश गर्दै

राजनीति

नेपाल लाइभ मंगलबार, फागुन ८, २०८० ११:२०

काठमाडौं- नेपाली कांग्रेसको सोमबारदेखि जारी महासमिति बैठकमा बन्दसत्र प्रारम्भ भएको छ। मंगलबार बिहान ९ बजेदेखि बन्दसत्र प्रारम्भ हुने भनिए पनि झन्डै दुई घण्टापछि बन्दसत्र प्रारम्भ भएको हो।

बन्दसत्रमा पार्टीको तर्फबाट विभिन्न प्रस्तावहरू पेश हुनेछन्। महासमिति बैठकमा उपसभापति पूर्णबहादुर खड्काले नीति, महामन्त्री गगन थापाले सांगठनिक, महामन्त्री विश्वप्रकाश शर्माले समसामयिक राजनीतिक, प्रवक्तासमेत रहेका अर्थमन्त्री प्रकाशशरण महतले नेपालको वर्तमान आर्थिक अवस्था, सम्भावना र भावी दिशा र लेखा समिति संयोजक श्यामकुमार घिमिरेले लेखा परीक्षण प्रतिवेदन पेश गर्नेछन्।

जारी बन्दसत्रमा उपसभापति खड्काले नीति प्रस्ताव पेश गरिरहेका छन्।

फागुन १० गतेसम्म चल्ने महासमिति बैठकमा मंगलबारदेखि विभिन्न समूहमा रहेर उल्लेखित प्रस्तावहरुमाथि छलफल सुरु हुनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पाकिस्तानमा सैन्य कारबाहीमा २२ आतङ्ककारी मारिए

भाषा, थर र जातजाति छुट्याउन उच्च्चस्तरीय आयोग गठन गर्न संसदीय समितिलाई सुझाव

सभापोखरीमा आगलागीबाट १० परिवार विस्थापित, एक करोडभन्दा बढीको क्षति