पर्यटन मन्त्री किराँतीले गरे आफ्नो कार्यकक्ष आफैंले सफा

राजनीति

नेपाल लाइभ शुक्रबार, फागुन ४, २०८० १०:५९

काठमाडौं- संस्कृति, पर्यटन तथा नागरिक उड्डयन मन्त्री सुदन किराँतीले आफ्नो कार्यकक्ष आफैंले सफा गरेका छन्। शुक्रबार बिहान १० बजेअघि आइपुगेका उनले आफ्नो कार्यकक्षमा पोछा लगाउँदै गरेको भिडियो सार्वजनिक गरेका छन्।

उनले भिडियोमा क्याप्सन लेखेका छन्, 'बिहानी पख आफ्नै कार्यकक्षको शृङ्गार गर्दै!'

मन्त्री किराँती सफाइ कर्मचारीले सफा गरिरहेको समयमा कार्यकक्षमा पुगेका देखिन्छन्। आफू चाँडै कार्यालय आइपुग्ने गरेका कारण सफाइ कर्मचारीथि दबाब परेको कुरा उनले त्यहाँ इंगित गर्न खोजेका छन्।

आफू चाँडो मन्त्रालय आउने गरेको संकेत गर्न त्यहाँ उनी भन्छन्, 'तपाईंहरुलाई पनि दबाब पर्‍यो होला है।'

सफाइ कर्मचारीलाई उनी थप सोध्छन्- पहिले कतिबजे आउनुहुन्थ्यो?

उनको जवाफ हुन्छ- साढे ८ बजे।

मन्त्री किराँती अर्को प्रश्न गर्छन्- अहिले नि?

अहिले ७ बजे आउने गरेको ती कर्मचारी बताउँछिन्। जाडोमा चाँडै आउनुपर्दा रिस उठ्छ कि उठ्दैन भनेर सोध्दै देशका लागि काम गरेको सम्झिनुपर्ने बताउँछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

टी-२० महिला अन्तर्राष्ट्रिय सिरिज : नेपाल लगातार चौथो खेलमा पराजित

ग्लोबल आइएमई बैंक र इन्फोडेभलपर्सबीच बैंकमा बजेट ३६० सफ्टवेयर प्रयोग सम्बन्धी सम्झौता

दोहोरो अंकले घट्यो नेप्से, कारोबार रकममा पनि गिरावट