राष्ट्रिय सभा निर्वाचनः सुदूरपश्चिममा नगरप्रमुख हमाल र उपप्रमुख तिरुवाले गरेनन् मतदान

राजनीति

नेपाल लाइभ बिहीबार, माघ ११, २०८० १६:३२

धनगढी– राष्ट्रिय सभा निर्वाचनको मतदानमा सुदूरपश्चिम प्रदेशका स्थानीय तहमध्ये दुई जना जनप्रतिनिधिले मतदानमा भाग लिएनन्।

आज बिहान ९ बजेदेखि सुरु भएको मतदानमा धनगढी उपमहानगरपालिकाका प्रमुख गोपाल हमाल र भजनी नगरपालिकाकी उपप्रमुख राजु तिरुवाले मतदान नगरेका हुन्।

मतदानको समय ३ बजेसम्म रहँदासमेत उपमहानगर प्रमुख हमाल र उपप्रमुख तिरुवा सहभागी नभएको जनाइएको छ।

दुई सय २७ जना मतदाता रहेको सुदूरपश्चिम प्रदेशमा प्रदेशका ५२ जना र स्थानीय तहका एक सय ७३ जनाले मतदान गरेका छन्।

गठबन्धनको तर्फबाट अन्यबाट नेपाली कांग्रेसका बलदेव बोहरा, अपाङ्ग तथा अल्पसङ्ख्यक कलस्टरमा कांग्रेसकै नारायणदत्त भट्ट र महिला कलस्टरमा माओवादीबाट रेणु चन्द उम्मेदवार छिन्।

एमालेले भने, अन्यतर्फ ईश्वरी खरेल, महिलातर्फ सावित्री घिमिरे र अपाङ्गतातर्फ रामचन्द्र जोशी उम्मेदवार बनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रविलाई हिरासत पठाइयो, प्रहरी कार्यालयबाहिर समर्थकको नाराबाजी

चितवनमा रविको बयान सकियो, थुनछेक बहस आजैबाट

महिला टी-२०आई शृंखला : पाँच खेल खेल्दा पनि जितविहीन नेपाल, पाँचौं खेलमा नेदरल्याण्ड्ससँग १० विकेटले पराजित