राष्ट्रिय सभा निर्वाचन : बागमतीमा ५ जना अनुपस्थित

राजनीति

नेपाल लाइभ बिहीबार, माघ ११, २०८० १६:२०

काठमाडौं- राष्ट्रिय सभा निर्वाचन अन्तर्गत बागमती प्रदेशमा भएको मतदानमा ५ जना अनुपस्थित भएका छन्। अनुपस्थित हुने प्रदेश सभा सदस्य २ जना र स्थानीय तह ३ जना पदाधिकारी छन्।

यस प्रदेशमा प्रदेश सभा सदस्य ११० र स्थानीय तहका प्रमुख, उपप्रमुख, अध्यक्ष र उपाध्यक्ष २३७ जना मतदाता थिए। त्यसमध्ये, प्रदेश सभाका १०८ सदस्य र स्थानीय तहका ३३४ जना मतदानमा सहभागी भएका हुन्।

अनुपस्थित हुनेहरूमा किस्पाङ गाउँपालिकाको अध्यक्ष वीरबल तामाङ, चौरीदेउराली गाउँपालिकाको उपाध्यक्ष शेरबहादुर लामा र काठमाडौं महानगरपालिकाको मेयर बालेन शाह छन्।

त्यस्तै, प्रदेश सभा सदस्य शैलेन्द्रमान बज्राचार्य र प्रदेश सभा सदस्य सरिता खड्की पनि अनुपस्थित भएका छन्। उनीहरू दुवै जना हाम्रो नेपाली पार्टीका सदस्य हुन्।

यस प्रदेशमा विभिन्न ४ समूहका लागि निर्वाचन भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वप्रधानमन्त्री खनालको ‘क्षितिजबाट घाम’ सार्वजनिक

भारतको तमिलनाडुमा साँढे जुधाई क्रममा सात जनाको मृत्यु, ४०० घाइते

इजरायली सैन्य कारबाही स्थग्ति गर्न संयुक्त राष्ट्र प्रमुखको आह्वान