काठमाडौं- अर्थमन्त्री डा प्रकाशशरण महतले बैंकहरूले जस्तोसुकै पनि धितो राखेर ऋण दिँदा समस्या परेको बताएका छन्।
बुधबार राष्ट्रिय वाणिज्य बैंकको ५९औं वार्षिकोत्सवको अवसरमा बोल्दै मन्त्री महतले ‘ख’ वर्गका बैंकहरूले ‘प्रोडक्ट बेस’ कर्जा विस्तार गर्नुपर्ने बताए।
‘आउँदो दिनमा बैंकहरू प्रोडक्ट वेस कर्जामा जानुपर्छ। जस्तो पनि धितो राखेर कर्जा प्रवाह गर्नु हुँदैन। ग्राहक जस्तो भए पनि धितोबाट असुल्छु भन्ने सोचले हुँदैन,’ उनले भने, ‘हिजो बैंकबाट गएको पैसा गलत ठाउँमा गयो। राष्ट्र बैंकले कन्ट्रोल गर्यो। अहिले केही सुधार भएको छ।’
त्यस्तै, घरजग्गा र सेयरमा बढी कर्जा जाँदा पनि समस्या निम्तिएको उनको भनाइ छ। घरजग्गाको मूल्य अस्वभाविक बढेको भन्दै यो धेरै समयसम्म नरहने बताए। अर्थतन्त्र चालू आर्थिक वर्ष २०८०/०८१ मा गत आर्थिक वर्ष २०७९/०८० को भन्दा राम्रो भएको दाबी गरे।
तर, गत वर्षभन्दा चालू आर्थिक वर्षमा सुधार भएपनि सरकारले सोचेको जस्तो नभएको उनको भनाइ छ। उनले मुलुकको आवश्यकताहरु धेरै तर सरकारसँग साधन स्रोतहरु थोरै भएकाले धेरै आवश्यकताको बीचमा थोरै साधन स्रोत हुँदा प्राथमिकिकरण नपुगेको बताए।
सरकारले सबैभन्दा बढी आवश्यकताको क्षेत्रमा खर्च गर्नुपर्ने बाध्यता रहेको र सरकारले प्राथमिकता प्राथमिकिकरण गरेर काम गर्ने गरेको उल्लेख गरे। सीमित राज्यको साधन स्रोतलाई बढीभन्दा बढी प्रतिफल हुने क्षेत्रलाई प्राथमिकता दिएर खर्च गर्ने वर्तमान अवस्थामा चुनौती रहेको उनको भनाइ छ।
उनले पर्यटन आगमन अहिलेसम्मकै उच्च रहेको र अर्थतन्त्रको बाह्य परिस्थिति सकारात्मक भएकाले आशा गर्ने ठाउँ रहेको बताए। यस्तै पर्यटन आगमन वृद्धि भएसँगै होटलहरु वृद्धि भइरहेको भन्दै बैंकहरुले होटलमा गरेको लगानी डुब्ने खतरामुक्त अवस्थामा आएको र शेयर बजार र घरजग्गा कारोबार सकारात्मक भइरहेको उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1746775497.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
