खाद्यले प्रतिकिलो १० प्रतिशत मूल्य घटाएर बिक्री गर्‍यो कुकुरले टोकेपछि बाँचेका २२ च्याङ्ग्रा

अर्थ समाचार

नेपाल लाइभ मंगलबार, माघ २, २०८० १७:५३

काठमाडौं– खाद्य व्यवस्था तथा व्यापार कम्पनीले कुकुरले टोकेपछि बाँचेका २२ च्याङ्ग्रा प्रतिकिलो १० प्रतिशत मूल्य घटाएर बिक्री गरेको छ।

कम्पनीले सोमबार प्रतिकिलो १ हजार १५ रुपैयाँका दरले ६ लाख रुपैयाँ बराबरमा बिक्री गरेको कम्पनीकी प्रमुख ज्ञानु थापाले जानकारी दिइन्।

दशैंका लागि बिक्री गर्ने भनेर ल्याइएका सो च्याङ्ग्रा प्रतिकिलो १ हजार १२५ रुपैयाँ मूल्य तोकिएको थियो।

तर, कुकुरले आक्रमण गरेर घाइते भएका ती च्याङ्ग्रा निको भएका र धार्मिक प्रयोजनका लागि सस्तोमा बिक्री भएको उनले जानकारी दिइन्।

‘कुकुरले टोकेर केही घाइते भएका थिए तर रेबिज नभएको पुष्टि पनि भइसकेको थियो। उपचारपछि निको भइसकेका स्वस्थ च्याङ्ग्रा हुन्। तर बौद्ध धर्मका पुजारी (लामा) हरुले जङ्गलमा लगेर छोड्नका लागि किन्नु भयो,’ उनले भनिन्।

दशैंका लागि बिक्री गर्न ल्याइएका उक्त च्याङग्रा नबिकेर ४७ वटा बाँकी रहेका थिए। सो च्याङ्ग्रा कम्पनीले थापाथलीस्थित खाद्यसंस्थानको कार्यालयमा राखेको थियो। गत पुस १८ गते मध्येराति कुकुर पसेर टोक्दा २५ च्याङ्ग्रा मरेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यु-१९ महिला विश्वकपमा नेपाल, उद्घाटन खेलमा बंगलादेशको सामना गर्दै

पूर्वप्रधानमन्त्री खनालको ‘क्षितिजबाट घाम’ सार्वजनिक

भारतको तमिलनाडुमा साँढे जुधाई क्रममा सात जनाको मृत्यु, ४०० घाइते