राजनीति

प्रधानमन्त्रीको आशंका- बालकुमारी घटनामा लोकतन्त्र र गणतन्त्रका विरुद्धको डिजाइन त छैन?

नेपाल लाइभ सोमबार, पुस १६, २०८० १७:०१

काठमाडौं- प्रधानमन्त्री पुष्पकमल दाहाल प्रचण्डले बालकुमारीमा गत शुक्रबार दुई जना युवाको ज्यान जानेगरी भएको घटना बाहिर देखिए जस्तो नभएको बताएका छन्।

‘चिज त्यस्तो छैन, जस्तो देखिएको छ। त्योभित्र अर्कै केही छ भन्ने मैले अनुभूत गरेको छु। यो कहीँ लोकतन्त्र र गणतन्त्रका विरुद्धको डिजाइन कतै त छैन भन्ने, मेरो अहिले कुनै प्रुफ होइन, त्यसैकारण मैले तुरुन्त नै त्योसँग सम्बन्धितलाई निलम्बन गर्ने र उच्चस्तरीय छानबिन आयोग बनाउनुपर्छ भनेर, सामान्य छानबिन समितिले मात्रै पुग्दैन भन्ने निष्कर्ष निकालेर मृतकका परिवारलाई समेत बालुवाटारमा बोलाएर गम्भीर ढंगले समीक्षा गरिएको छ’, उनले भने।

प्रधानमन्त्री प्रचण्डले सोमबार बिहान मात्रै क्याबिनेटबाट सरकारले गर्नुपर्ने र गर्न सक्ने जति काम तुरुन्तै गरिएको बताए। मृतका परिवारलाई रोजगारी र शहीद घोषणाका कुरा भने राजनीतिक छलफलपछि गरिने बताए।

उनले बालकुमारी घटना कसैले पूर्वानुमान गर्ने सक्ने खालको नभएको बताए। ‘म त्यो दिन पूर्व निर्धारित कार्यक्रममा दोलखामा थिएँ। आउँदाआउँदै नै मैले थाहा पाएँ। तुरुन्तै अर्को दिन बिहान घटनाक्रमको ब्रिफिङ लिइयो। म अहिले सबै भन्न चाहन्नँ। केही चिज गम्भीर लागेको छ। सामान्य छैन यो’, उनले भने।

यो पनि पढ्नुहोस

एनसेल प्रकरणमा गंगा दाहालको नाम उचाल्नु लोकतन्त्र र गणतन्त्रमाथिको हमला : प्रधानमन्त्री प्रचण्ड

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

गायिका मङ्गेशकरको स्वर रहेको ‘बाचुन्जेलीलाई’ सार्वजनिक

राष्ट्रसङ्घीय मानवअधिकार परिषद्बाट इजरायल अलग

‘फेरि रेशम फिलिली’ टिजरमा अमेरिका मोहको कथा