काठमाडौं– मंसिर २१ गते त्रिभुवन अन्तर्राष्ट्रिय विमानस्थलबाट १४ किलो सुन बरामद भएपछि छानबिन गर्न बनेको समितिले आइतबार प्रतिवेदन बुझाएको छ।
विमानस्थलका भन्सार प्रमुख टोकराज पाण्डे, डीएसपी सूर्यप्रकाश सुवेदी, प्रमुख भन्सार अधिकृत मणिराम पौडेल, भन्सार अधिकृत डिल्लुप्रसाद शर्मा, भन्सार अधिकृत प्रकाश निरौला, शाखा अधिकृत मञ्जु थापा र भन्सार अधिकृत लोकराज ढुङ्गाना रहेको समितिले आइतबार प्रतिवेदन बुझाउँदै विभिन्न सुझाव समेत दिएको छ।
जसमा ५ बुँदे नीतिगत सुझाव छन् भने १४ बुँदे कार्यगत सुझाव छन्।
समितिले दिएका सुझावहरु यस्ता छन्
नीतिगत सुझावहरुः
• एउटा संयुक्त समन्वय कक्ष (Coordination and Control Room) स्थापना गरी तत्कालका सूचना समन्वय गर्ने तथा आइपरेका समस्याहरुको कार्यक्षेत्र र जिम्मेवारी अनुसार निकायको तर्फबाट समाधान गर्न पहल गर्ने।
• अध्यागमन कार्यालयले पटक-पटक दुवई, सिंगापुर, हङ्कङ, थाइल्याण्ड लगायतका देशमा आवागमन गरिरहेका यात्रुहरुको सूचना भन्सार तथा प्रहरीलाई दिने लिने व्यवस्था मिलाउने।
• भन्सार विभागले दुवई, सिंगापुर, हङ्कङ, थाइल्याण्ड लगायतका देशमा आवागमन गरिरहेका यात्रुहरुको ती देशका भन्सारमा घोषणा गरेको विवरण अग्रिम रुपमा प्राप्त गर्न आवश्यक व्यवस्था मिलाउने।
.TIA ले Passenger Manifest अनिवार्य रुपमा प्रहरी र भन्सारलाई पठाइदिने व्यवस्था मिलाउने।
• Advance Passanger Information System (APIS) कार्यान्वयन गर्न गृह प्रशासन र भन्सार प्रशासनले पहल गर्ने।
कार्यगत सुझावहरुः
.व्यक्तिगत सवारी साधनहरु मोटरसाईकल, स्कुटर तथा कार समेत उक्त Security Checkpoint भन्दा भित्र लगि आफ्नो Airside area मा रहेको कार्यालय परिसरमा लगी राख्ने गरेको देखिएको हुँदा त्यस्ता सवारी साधन Security Checkpoint भन्दा भित्र लैजान रोक्नुपर्ने।
.नेपाल आयल निगम, त्रि.अ.वि. गौचरको सिनामंगल चोक स्थित गेटमा Walk Through Metal Detector तत्काल राख्नु पर्ने।
• आयल निगममा जाने कर्मचारीहरुको सवारी साधन पार्कीङ्ग गरे पश्चात् सुरक्षा जाँच गराई भित्र प्रवेश गर्ने र निस्कने क्रममा सुरक्षा जाँच पछि मात्र आफ्नो सवारी साधनसम्म जाने व्यवस्था मिलाउनु पर्ने।
• सिनामंगल ओरालोको छेउँमा विमानस्थलको पेरिमिटर भित्र रहेको प्रहरी व्यारेकको Entrance बाहिर चक्रपथ तर्फ खोली व्यारेकको पछाडी तर्फको भागमा Fencing गरी बाहिरबाटै विमानस्थलको ड्युटी आवतजावत गर्ने बनाउनु पर्ने।
• अन्तरराष्ट्रिय रन वे को १ नं. वे को छेउँ हुदै आयल निगमको कार्यालय क्षेत्र हुँदै हिमालय एयरलाइन्सको कार्यालय तथा अन्य कार्यालयमा जाने सवारी साधनहरुको आवत जावत बन्द गर्नु पर्ने।
• कार्गोबाट परिचालन हुने ट्याक्टर तथा ट्रलीहरुको लागि हालसालै विकशित नयाँ रुटबाट आवागमन गराउँदा समेत आयलनिगमको कार्यालय नजिकको पार्कीङ इलाका हुँदै जाँदा उक्त कार्गो बोकेको सवारी साधनलाई Contactless Way (अन्य सवारी साधनसंग संपर्क नहुने गरी) सुनिश्चित गरिनु पर्ने।
• Airside Response Vehicle र Follow Me लगाएतका सवारी साधनहरु विशेष कारण बाहेक् Airside बाहिरको ग्यारेजमा राख्ने गरेको समेत देखिदा उक्त सवारी साधनहरुलाई भित्र नै राख्ने व्यवस्था मिलाउन पर्ने।
.निरीक्षणका लागि जाने ईन्जिनियरहरुको टिमले जहाजको नजिकै लगि आफ्नो सवारी साधन लैजाने गरेकोमा निजहरुले आफ्नो टुलबक्स लगाएतका औजार विमानमा लैजानु अघि अनिवार्य सुरक्षा चेक गराई लैजाने र फर्किने व्यवस्था मिलाउनुपर्ने।
• त्रि.अ.वि.को आगमन तर्फको शौचालयको अपाङ्गमैत्री क्याविनको भित्रपट्टी रहेको ढोकामा ताला समेत लगाई गोप्य रुपमा राख्न मिल्ने संरचना रहेको, यस्ता संरचनाहरु तस्करीको सुन ल्याई लुकाउने गरेको देखिएकोले त्यस्ता छिद्रहरु तत्काल सुधार गर्नुपर्ने।
• International Arrival को VIP कक्षमा VIP विन्दुमा मेटल फ्री गराउने, स्क्यानिङ्ग गर्ने समेतको काम त्रि.अ.वि. भन्सार कार्यालयले र विमानस्थल सुरक्षा प्रहरीले २४ सै घन्टा ड्युटी रहने गरी संयुक्त सुरक्षा व्यवस्था मिलाउनु पर्ने।
• त्रिभुवन अन्तर्राष्ट्रिय विमानस्थलको आवागमनका संरचनाहरुमा सुरक्षा संबेदनशिलताको दृष्टिकोणबाट विभिन्न छिद्रहरु (Loop Holes) रहेकोले त्यस्था छिद्रहरु बन्द गरी संबन्धित स्थानमा रहेका ढोका, आपतकालिन प्रवेशद्वार लगाएतका स्थान CCTV को निग्रानीमा राख्ने व्यवस्था मिलाउने।
.सेवा प्रदायकहरु जस्तै चमेना गृह, मुद्रा सटही काउन्टर, CIP Lounge लगाएतका कर्मचारीहरुको विमानस्थल पास ड्युटी नभएको अवस्थामा TIA ले निग्रानीमा राख्ने व्यवस्था मिलाउने।
.प्रस्थान तर्फको Sterilized Waiting Hall मा असम्बन्धित पासबाहक कर्मचारी प्रवेशलाई रोक्न पास वितरण गर्दा तथा संरचनागत रुपले समेत सेवा प्रवाह गर्दा बैकल्पिक बाटोको समेत व्यवस्था मिलाउने।
• त्रिभुवन अन्तर्राष्ट्रिय विमानस्थलको Ramp Area मा रहेका सरसफाई कर्मचारीहरुको झोला टिफिन लगाएतका सामानहरु राख्ने Shelter, Shade and Container मा लकर समेत रहेको देखिएकोले त्यस्ता संरचनाहरुलाई तत्कालै त्यहाँबाट हटाई सुरक्षा जाँच विन्दु भन्दा वाहिर राख्नु पर्ने।
यो पनि पढ्नुहोस्
सुन तस्करी प्रकरण : दुबईबाट ल्याएको सुन शौचालयमा लुकाएर विमानस्थलबाट यसरी बाहिरिन्थ्यो
सुन तस्करी प्रकरण: चन्द्र घले ६० पटकसम्म ओहोरदोहोर गरेको देखियो, कृष्णकुमारबाट १७ थान पासपोर्ट बरामद
छानबिन समितिको निष्कर्ष: मीन घलेको समूहले १३८ किलो सुन तस्करी गरेको देखियो
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
