सर्वोच्चद्वारा अन्तरिम आदेश अस्वीकार: केयूको भीसीमा एमडी/एमएस मात्रै गरेका डाक्टरले आवेदन दिन नपाउने

समाचार

नेपाल लाइभ आइतबार, पुस २८, २०८१ १७:२६

काठमाडौं- काठमाडौं विश्वविद्यालय (केयु)को उपकुलपतिमा एमडी, एमएस र एमडीएस मात्रै गरेका डाक्टरले आवेदन दिन नपाउने भएका छन्। उपकुलपति छनोट समितिले बनाएको कार्यविधिमा मान्यता प्राप्त विश्वविद्यालयबाट विद्यावारिधि वा सो सरहको उपाधि प्राप्त हुनुपर्ने भनिएको छ।

उक्त कार्यविधिले मेडिकल चिकित्सामा एमडी, एमएस र एमडीएस गरेका चिकित्सकलाई आवेदन दिन रोकेको छ। यसको खारेजीको माग राखेर डाक्टरहरू सर्वोच्च अदालत गएका थिए। तर, आइतबार अदालतले अन्तरिम आदेश जारी गर्न अस्वीकार गरेको हो।

उपकुलपति छनोट समितिले बनाएको कार्यविधिमा असहमति जनाउँदै डाक्टरहरू अदालत गएका थिए।

चिकित्सामा डीएम वा सो सरहकाले भने आवेदन दिन पाउनेछन्। उपकुलपतिका लागि आवेद दिने समय पनि आइतबार सकिएको छ। माघ १८ गते १० दिनको म्याद दिएर आवेदन खुलाइएको थियो। उपकुलपति प्राडा भोला थापाको चार वर्षे कार्यकाल माघ ६ देखि सकिँदैछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित

पोखरा महानगरका करार कर्मचारी नहटाउन उच्च अदालतको आदेश