सात महिनापछि धरौटी बुझाएर थुनामुक्त भए पूर्वगृहमन्त्री खाण

राजनीति

नेपाल लाइभ शुक्रबार, मंसिर २९, २०८० १७:२६

काठमाडौं– नेपाली कांग्रेसका नेता एवं पूर्वगृहमन्त्री बालकृष्ण खाण ७ महिनापछि धरौटी बुझाएर रिहा भएका छन्।

खाण शुक्रबार जिल्ला अदालत काठमाडौंमा ३० लाख र सम्पत्ति शुद्धीकरण विभागमा १५ लाख धरौटी बुझाएर रिहा भएका हुन्। नक्कली भुटानी शरणार्थी प्रकरणमा जिल्ला अदालत काठमाडौंको आदेशले थुनामा रहेका खाण बिहीबार उच्च अदालत पाटनको आदेशपछि रिहा भएका हुन्।

उच्चले धरौटी माग गरेपछि उनलाई सम्पत्ति शुद्धीकरण र अख्तियार पेस गरिएको थियो। सम्पत्ति शुद्धीकरणले धरौटी माग गर्‍यो भने अख्तियारले साधारण तारेखमा उपस्थित हुन बोलाएको दिन आउने गरी रिहा भएका हुन्।

नक्कली भुटानी शरणार्थी बनाएर अमेरिका पठाउने कार्य गरेको अभियोगमा अनुसन्धानका लागि खाण वैशाख २७ गते आफ्नै निवासबाट पक्राउ परेका थिए।

उनीसँगै थुनामा रहेकामध्ये पूर्वमन्त्री टोपबहादुर रायमाझीसहित ९ जना भने पूर्पक्षका लागि थुनामै छन्। धरौटी माग भएका केही प्रतिवादीहरु मंसिरको दोस्रो साता नै छुटेका थिए। खाणको हकमा राय बाझिएपछि थुनामै रहेका थिए।

उच्च अदालत पाटनका न्यायाधीशहरु जनक पाण्डे र प्रकाश खरेलकाबीचमा राय बाझिएको थियो। न्यायाधीश जनक पाण्डेले खाणलाई ३० लाखमा छाड्न आदेश गरेका थिए भने न्यायाधीश प्रकाश खरेल थुनामै राख्नुपर्ने राय दिएका थिए।

बिहीबार न्यायाधीश कृष्णराम कोइरालाले खाणलाई ३० लाखमा छाड्न सहमत भएसँगै उनको रिहाइ प्रक्रिया सुरु गरिएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

फागुन ५ मा प्रधानमन्त्री ओलीले लुम्बिनी प्रदेशसभा बैठकमा सम्बोधन गर्ने

फेसबुकमा नकारात्मक कमेन्ट र शेयर नगर्न कार्यकर्तालाई परराष्ट्रमन्त्री राणाको अनुरोध

चलचित्रसम्बन्धी अध्ययनका लागि छात्रवृत्ति