महिला, बालबालिका र ज्येष्ठ नागरिकलाई छिटो न्याय दिन पहल गर्छु : प्रस्तावित न्यायाधीश सुवेदी

राजनीति

नेपाल लाइभ शुक्रबार, मंसिर २९, २०८० १६:२४

काठमाडौं– सर्वोच्च अदालतकी प्रस्तावित न्यायाधीश शारङ्गा सुवेदीले महिला, बालबालिका र ज्येष्ठ नागरिक लगायत विशेष संरक्षण आवश्यक पर्ने वर्गलाई छिटो छरितो रुपमा न्याय दिन पहल गर्ने बताएकी छन्।

संसदीय सुनुवाइ समितिको शुक्रबारको बैठकमा आफ्नो अवधारणापत्र र कार्ययोजना प्रस्तुत गर्दै सर्वोच्च अदालतकी प्रस्तावित न्यायाधीश सुवेदीले महिला, बालबालिका, ज्येष्ठ नागरिक लगायत विशेष संरक्षण आवश्यक पर्ने वर्गका मानिसहरुसँग सम्बन्धित विवादलाई छिटो, छरितो रुपमा निरुपण गरी न्यायको प्रत्याभुति दिन विशेष पहल गर्ने बताएकी हुन्।

उनले न्यायमा विलम्बले न्यायलाई पराजित गर्ने भन्दै छिटो, छरितो न्याय सम्पादन गर्ने कुरालाई आफूले प्राथमिकतामा राख्ने बताइन्। न्यायपालिकाप्रतिको आस्था अभिवृद्धि गर्न हरसम्भव प्रयास गर्ने प्रतिबद्धता व्यक्त गरिन्।

त्यस्तै उनले न्यायपालिकाको रणनीतिक योजना निर्माण र सफल कार्यान्वयनमा आफ्नो ज्ञान, अनुभवको आधारमा यथाशक्य योगदान पुर्‍याउने पनि बताइन्। सुवेदीले मुद्दाको व्यवस्थापन, इजलाशको समयको व्यवस्थापनमा आफ्नो सक्रिय पहल र सहभागिता रहने उल्लेख गरिन्।

उनले विधिको शासन कायम गर्न, लोकतान्त्रिक मूल्य र मान्यताहरुमा आधारित लोक कल्याणकारी राज्यको स्थापना गर्ने कार्यमा आफ्नो क्षेत्रबाट आवश्यक पहल गर्न प्रतिबद्ध रहेको पनि बताइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

फागुन ५ मा प्रधानमन्त्री ओलीले लुम्बिनी प्रदेशसभा बैठकमा सम्बोधन गर्ने

फेसबुकमा नकारात्मक कमेन्ट र शेयर नगर्न कार्यकर्तालाई परराष्ट्रमन्त्री राणाको अनुरोध

चलचित्रसम्बन्धी अध्ययनका लागि छात्रवृत्ति