काठमाडौं– निजी क्षेत्रको दूरसञ्चार प्रदायक संस्था एनसेलको ८० प्रतिशत शेयर खरिद बिक्रीमा नेपालको कानुन विपरीतको कार्य भएको दाबी गर्दै एक स्वतन्त्र सांसद अमरेशकुमार सिंहले दायर गरेको रिट बिहीबार पनि सनुवाइ भएन।
न्यायाधीश हरिप्रसाद फुयाँलको एकल इजलासमा पेसी रहेको मुद्दा १६ नम्बरमा पेसी रहेको थियो। फुयाँलको एकल इजलासले १५ नम्बरसम्मको मुद्दा सुनुवाइ गर्यो तर १६औं नम्बरमा पुगेपछि हेर्न नभ्याउने हुँदै स्थगित भयो। इजलासबाट न्यायाधीशहरुले समय नभएकाले बहस सुन्न नसकिने भनेपछि स्थगित भयो।
अन्तिम समयमा आएर स्थगित भएसँगै यो मुद्दाको सुनुवाइ अब आइतबारपछि मात्र हुने भएको छ। सांसद सिंहले मंसिर २२ गते सर्वोच्चमा रिट दायर गरेका थिए। तर उक्त मुद्दा हालसम्म पाँच पटक पेसी चढिसकेको छ। तर, हरेक दिन हेर्न नभ्याउने हुँदै स्थगित हुँदै आएको छ।
सांसद सिंहले दर्ता गरेको रिट सबैभन्दा पहिले मंसिर २४ गते पेसी तोकिएको थियो। न्यायाधीश कुमार रेग्मीको इजलासमा पेसी रहेको थियो। उक्त दिन सुनुवाइ नभएपछि मंसिर २५ गते न्यायाधीश प्रकाशकुमार ढुङ्गानाको इजलासमा पेसी तोकियो।
उक्त दिन पनि सुनुवाइ भएन। मंसिर २६ गते न्यायाधीश नहकुल सुवेदीको इजलासमा पेसी तोकियो। सुवेदीको इजलासले पनि हेर्न नभ्याउने भयो अनि मंसिर २७ गते पेसी तोकियो। बिहीबार न्यायाधीश फुयाँलको इजलासले पनि हेर्न भ्याएन। आज शुक्रबार उक्त मुद्दाको पेसी तोकिएको छैन।
एक सातादेखि यो मुद्दा एकपछि अर्को इजलासमा पेसी पर्ने अनि सुनुवाइ नहुने हुँदै आएको छ।
आजियाटा ग्रुप बरहादले १ खर्ब ४३ अर्ब रुपैयाँमा किनेको एनसेलको सेयर करिब ६ अर्ब ६५ करोड (५ करोड अमेरिकी डलर)मा बिक्री गर्ने सम्झौता गरेपछि विवादित हुँदै आएको छ। बेलायती कम्पनी स्पेक्ट्रलाइट यूकेले आजियाटाको ८० प्रतिशत शेयर खरिद गर्ने सम्झौता गरेको हो। यो विषयमा सरकारले छानबिनका लागि उच्चस्तरीय समिति गठन गरेको छ।
सांसद सिंहले ऐनसेलको शेयर खरिद बिक्री प्रक्रिया तत्काल रोक्न र कानुनी मान्यता नदिने अन्तरिम आदेश हुनुपर्ने माग रिटमा गरेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1738927672.png)
