काठमाडौं– नेकपा एमालेको मध्यपहाडी संकल्प यात्राको क्रममा अध्यक्ष केपी शर्मा ओलीमाथि हातपातको प्रयास गरेको आरोपमा एक जनासहित १० जना पहिचानवादीलाई प्रहरीले पक्राउ गरेको छ।
संकल्प यात्राको क्रममा धनकुटा पुगेको अध्यक्ष ओलीसहितको कार्यक्रममा महेश राई नाम गरेका व्यक्तिले अवरोध गर्न खोजेको छन्। मदिरा सेवन गरेर एमालेको कार्यक्रममा पुगेका उनले ओलीमाथि हातपातको प्रयास गर्न लागेपछि प्रहरीले पक्राउ गरेको हो।
जिल्ला प्रहरी कार्यालय धनकुटाका डीएसपी राजबाबु महर्जनका अनुसार मदिरा सेवन गरेर कार्यक्रममा गएर अवरोध गर्न खोजेपछि महेश राईलाई नियन्त्रणमा लिइएको हो।
यसैगरी एमालेको कार्यक्रममा पहिचानवादीले अवरोध गर्नसक्ने भन्दै बुधबार नै प्रहरीले ९ जनालाई पक्राउ गरेको थियो। प्रहरीले किराँत राई यायोख्खा धनकुटा अध्यक्ष उद्धवमणि राई, किराँत याक्थुङ चुम्लुङ जिल्ला अध्यक्ष कमलसी तिगेला, उमा चाम्लिङ, जितेन्द्र माम्पाङ, करवील कुलुङ, जुद्ध राई, शोकुल राई, पनित कुलुङ, प्रदेश पहिचान संयुक्त संघर्ष समिति संखुवासभाका संयोजक वीरेन्द्र खारा राईलाई पक्राउ गरेको थियो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
