पूर्वगृहमन्त्री खाणको मुद्दामा बहस सकियो, केही बेरमा आदेश हुने

राजनीति

नेपाल लाइभ बिहीबार, मंसिर २८, २०८० १६:१३

काठमाडौं– पूर्व गृहमन्त्री बालकृष्ण खाणको मुद्दामा बहस सकिएको छ। उच्च अदालत पाटनमा चलिरहेको बहस सकिएको हो। नक्कली भुटानी शरणार्थी प्रकरणमा पुर्पक्षका लागि थुनामा रहेका नेपाली कांग्रेसका नेता खाणको मुद्दालाई धरौटीमा रिहा गर्ने कि थुनामै राख्ने विषयमा बहस भएको हो।

खाणका कानुन व्यवसायी र सरकारी वकिलहरू दुवै पक्षको बहस सकिएपछि अब न्यायाधीश कृष्णराम कोइरालाको इजलासबाट उक्त मुद्दाको निर्णय सुनाउने तयारी गरेका छन्।

खाणको पक्षबाट पूर्वमहान्यायाधिवक्ता खम्मबहादुर खाती, वरिष्ठ अधिवक्ताहरू सुरेन्द्र महतो, कृष्णप्रसाद सापकोटा, महादेव यादव र हरिहर दाहाल बहस गरेका थिए।

प्रेमबहादुर खड्का गोपालकृष्ण घिमिरे र विश्वनाथ खनालले पनि खाणको पक्षमा बहस गरे। सरकारका तर्फबाट सरकारी वकिलहरू महेश खत्री र शंकर खत्रीले बहस सकिसकेपछि खाणका कानुन व्यवसायीले जवाफी बहस सकेका हुन्।

पूर्वमन्त्री खाणलाई धरौटीमा रिहा गर्ने या थुनामै राख्नेबारे यसअघि संयुक्त इजलासमा दुईजना न्यायाधीशहरू जनक पाण्डे र प्रकाश खरेलको राय बाझिएको थियो।

त्यसपछि बिहीबारका लागि तोकिएको सुनुवाइबाट खाण थुनामै रहने वा धरौटीमा छुट्ने टुंगो लगाउन लागिएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

फागुन ५ मा प्रधानमन्त्री ओलीले लुम्बिनी प्रदेशसभा बैठकमा सम्बोधन गर्ने

फेसबुकमा नकारात्मक कमेन्ट र शेयर नगर्न कार्यकर्तालाई परराष्ट्रमन्त्री राणाको अनुरोध

चलचित्रसम्बन्धी अध्ययनका लागि छात्रवृत्ति