राप्रपा नेपालले ‘बृहत राष्ट्रिय मोर्चा’ निर्माणका लागि बनायो तीन सदस्यीय समिति

राजनीति

नेपाल लाइभ मंगलबार, मंसिर २६, २०८० १४:२०

काठमाडौं– राष्ट्रिय प्रजातन्त्र पार्टी नेपालले बृहत राष्ट्रिय मोर्चा निर्माणका लागि समिति गठन गरेको छ। पार्टीका उपाध्यक्ष राजिव पराजुली संयोजक रहेको समितिमा उपाध्यक्ष तारा लुइँटेल र महामन्त्री राजाराम बर्तौला सदस्य रहेका छन्।

समितिले समान विचारधारा भएकाहरुसँग एकता, सहकार्य गर्ने सवालमा वार्ता गर्नेछ। राप्रपा नेपालले सर्वधर्म समभाव र पूर्ण धार्मिक स्वतन्त्रतासहितको सनातन हिन्दूराष्ट्र, संवैधानिक राजसंस्थासहितको प्रजातन्त्र, केन्द्र र स्थानीय गरी दुईतहको राज्य संरचना र सरकारको विचार राख्ने दलहरुसँग सहकार्य गर्ने जनाएको छ।

यस्तै जनताद्वारा प्रत्यक्ष निर्वाचित कार्यकारी प्रधानमन्त्री, प्रतिनिधि सभाको लागि प्रत्यक्ष तथा राष्ट्रिय सभाको लागि समानुपातिक निर्वाचन प्रणाली, समावेशी तथा समानुपातिक प्रतिनिधित्व र उदार आर्थिक व्यवस्थाको मुद्दा पनि राप्रपाले अगाडि सारेको छ।

बृहत मोर्चा निर्माणसँगै पार्टीको तर्फबाट आन्दोलनको तयारी पनि गरिने राप्रपा नेपालले जनाएको छ। आन्दोलनको तयारी स्वरुप मेची–महाकाली जनजागरण यात्रा, युवादस्ताको तयारी, विभिन्न चरणमा प्रशिक्षण, प्रत्येक अञ्चलमा सभा तथा प्रदर्शन, जनताको माझमा राप्रपा नेपाल अभियान र राजधानी केन्द्रित प्रदर्शन गर्ने राप्रपाले नेपालले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

फागुन ५ मा प्रधानमन्त्री ओलीले लुम्बिनी प्रदेशसभा बैठकमा सम्बोधन गर्ने

फेसबुकमा नकारात्मक कमेन्ट र शेयर नगर्न कार्यकर्तालाई परराष्ट्रमन्त्री राणाको अनुरोध

चलचित्रसम्बन्धी अध्ययनका लागि छात्रवृत्ति