राज्यव्यवस्था समितिका सभापतिको प्रश्न- पदावधि सकिन लागेका व्यक्तिबाट महासचिवको सिफारिसमा किन हतारो?

राजनीति

नेपाल लाइभ सोमबार, मंसिर २५, २०८० १६:५९

काठमाडौं- संसद् सचिवालयको नयाँ महासचिव सिफारिसप्रति राज्यव्यवस्था समितिका सभापति रामहरि खतिवडाले प्रश्न उठाएका छन्। उनले किन हतारोमा सिफारिस गरिएको हो? भन्दै सामाजिक सञ्जाल ट्विटर 'एक्स'मा प्रश्न उठाएका हुन्।

‘राष्ट्रिय सभामा २० जना माननीयको पदावधि अर्को महिना सकिँदै छ। २० मा अध्यक्ष पनि हो’, खतिवडाले लेखेका छन्, ‘तर, पदावधि समाप्त हुन लागेको व्यक्तित्वबाट नयाँ नियुक्तिको सिफारिस कति हतार गरेको हो?’

उनले सदनमा महासचिव चाहिने भए पनि आजै राजीनामा, आजै सिफारिस गरिएको भन्दै आशंका व्यक्त गरेका छन्। सिफारिस व्यक्तिको योग्यतामा प्रश्न नभएको पनि उल्लेख गरेका छन्।

महासचिव भरत गौतमले आइतबार राष्ट्रपतिसमक्ष राजीनामा दिएका थिए। उनले पदावधि सकिन ८ महिना बाँकी छँदै राजीनामा दिएका हुन्। प्रतिनिधि सभाका सभामुख देवराज घिमिरे र राष्ट्रिय सभाका अध्यक्ष गणेशप्रसाद तिमिल्सिनाले नयाँ महासचिवका लागि पद्मप्रसाद पौड्याललाई सिफारिस गरेका छन्।

राष्ट्रिय सभामा २० जना माननीयको पदावधि अर्को महिना सकिदै छ।
२० मा अध्यक्ष पनि हो।
तर पदावधि समाप्त हुन लागेको ब्याक्तित्व बाट नयाँ नियुक्तिको सिफारिस कति हतार गरेको हो?
सदनमा महासचिव चाहिन्छ तर आजै राजीनामा आजै सिफारिस ।
भलै सिफारिस ब्याक्तीको योग्यतामा प्रश्न छैन ।
— Ramhari Khatiwada (@RamhariKhatiwa) December 11, 2023

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

फागुन ५ मा प्रधानमन्त्री ओलीले लुम्बिनी प्रदेशसभा बैठकमा सम्बोधन गर्ने

फेसबुकमा नकारात्मक कमेन्ट र शेयर नगर्न कार्यकर्तालाई परराष्ट्रमन्त्री राणाको अनुरोध

चलचित्रसम्बन्धी अध्ययनका लागि छात्रवृत्ति