आजको दिनमा नागरिक कुशासनसँग सबैभन्दा आजित छन् : गगन थापा

राजनीति

नेपाल लाइभ आइतबार, मंसिर २४, २०८० १६:३०

काठमाडौं- नेपाली कांग्रेसका महामन्त्री गगन थापाले आजको दिनमा नागरिक कुशासनसँग सबैभन्दा आजित रहेको बताएका छन्।

पुनः प्रकाशन भएको नेपाली कांग्रेसको मुखपत्र ‘नेपाल पुकार’को लोकार्पण कार्यक्रममा सम्बोधन गर्दै उनले देशमा एउटा काण्ड सेलाउन नपाउँदै अर्को काण्ड आउने गरेको बताए।

‘केही समयअघिसम्म सुनकाण्ड र शरणार्थी काण्ड जताततै थियो। अब एनसेल काण्ड आयो। अब ५/७ दिन, १०/१२ दिन एनसेल काण्ड वरिपरि सबै देश घुम्छ। यो सेलाउन पाएको हुँदैन, अर्को काण्ड आउँछ’, उनले भने।

थापाले यस्ता काण्डहरू कुशासनसँग जोडिएको बताए। कुशासन भने नियत वा अयोग्यतासँग जोडिने उनको भनाइ छ। उनले शासन कांग्रेसले चलाइरहेको, सुशासन आफूहरूको वाचा भएको र कांग्रेस सुशासनकै निम्ति जन्मिएको पार्टी भएता पनि किन कुशासन भइरहेको भन्ने प्रश्न गरे। त्यसबारे नेपाल पुकारमा सामग्रीहरू आउनुपर्ने उनको भनाइ छ।

‘हामी सरकारमा भएको बेलामा, हाम्रो नियन्त्रणमा राजनीति भएको बेलामा, हामी सबैभन्दा प्रभावशाली भएको बेलामा, हामीले भनिरहेकै बाटोमा देश हिँडिरहेको बेलामा, हामीलेसरकार चलाइरहेको बेलामा कुशासनका यति धेरै घटना किन भइरहेका छन्? यति धेरै काण्डहरू किन भइरहेका छन्? यसको जरामा के छ? समस्या कहाँनेर छ? के कारणले गर्दा आएको छ? मलाई लाग्छ, नेपाल पुकार यसको जरामा पुग्नुपर्छ। कहाँनेर समस्या भइरहेको छ, यसको बारेमा चर्चा गर्नुपर्छ’, उनले भने।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

वर्षाका कारण नेपाल र हङकङ बिचको खेल रद्ध

रुसी राष्ट्रपति पुटिन र चीनियाँ राष्ट्रपति जिनपिङबीच भेटवार्ता

बढ्दो तनाव पछि भारत र पाकिस्तानको शेयर बजारमा भारी मात्रामा गिरावट