राजनीति

शेखर कोइरालाको आरोप- बैंकहरू नै सबैभन्दा ठूला मिटरब्याजी

नेपाल लाइभ शनिबार, मंसिर २३, २०८० १४:००

काठमाडौं- नेपाली कांग्रेसका नेता शेखर कोइरालाले आजकाल सबैभन्दा ठूला मिटरब्याजी नै बैंकहरू भएको बताएका छन्। आफूले त्यसो भन्दा बैंकर्सहरू आफूसँग रिसाउने गरेको पनि बताए।

शनिबार चितवन-काठमाडौं प्रजातान्त्रिक संगमको १२औं अधिवेशनलाई सम्बोधन गर्दै कोइरालाले भने, ‘मैले त भन्ने गरेको छ आजकाल, सबैभन्दा ठूलो मिटरब्याजी त ब्यांकर्सहरू नै भए भन्छु म, बैंकहरू भए भनेर त बोलिरहेकै छु म। हो होइन मलाई थाहा छैन। तर मैले भन्ने गरेको छु।’

उनले देशको आर्थिक कुरा गर्दा सबै चिज अप्ठ्यारोमा भएको तर बैंकहरू भने फस्टाइरहेको र बोनसहरू बाँडिरहेको बताए। उनको प्रश्न थियो, ‘कसरी हुन्छ यो?’

सरकारले कृषिको निम्ति ५ प्रतिशत ब्याजमा ऋण लिन पाइने भनेको भए पनि सबैलाई नदिने गरेकोमा कोइरालाले असन्तुष्टि जनाए। ‘तपाईंहरु जानुस्, चिनजान छ भने दिइहाल्छ बैंकले, नत्र दिँदैन। १०/२० लाख, ५० लाख ऋण लिन जानुस् दिँदैन बैंकले। तर एउटा अर्बपतिले म कृषिमा व्यापार गर्छु भन्यो भने तुरुन्तै दिन्छ।’

यो पनि पढ्नुहोस

बैंक तथा वित्तीय संस्था ‘नयाँ शोषक’ को रुपमा उदाए : पर्यटनमन्त्री किराती

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यूएसएडका कर्मचारीलाई बिदामा राख्ने ट्रम्पको निर्णयमा अदालतको रोक

प्रहरीका ७५ जना इन्स्पेक्टरको डिएसपीमा बढुवा (सूचीसहित)

पोखरा भ्रमण वर्ष घोषणाको तयारी, २० लाख पर्यटक भित्र्याउने लक्ष्य