भारतीय विदेश मन्त्री जयशंकर नेपाल आउने

राजनीति

नेपाल लाइभ बुधबार, मंसिर २०, २०८० २०:४१

काठमाडौं- भारतीय विदेश मन्त्री एस जयशंकर पुसको तेस्रो साता नेपाल आउने भएका छन्। नेपाल-भारत विदेशमन्त्रीस्तरीय संयन्त्रको सातौं बैठकमा सहभागी हुन उनी नेपाल आउन लागेका हुन्।

भारतीय सञ्चारमाध्यमका अनुसार जयशंकर आगामी अक्टोबर महिनामा नेपाल आउनेछन्। यद्यपि यसको औपचारिक घोषणा भने गरिएको छैन।

बैठकमा दुई देशबीच सहकार्यका विभिन्न क्षेत्रजस्तै कनेक्टिभिटी, अर्थ–वाणिज्य, ऊर्जा सहकार्य र जलस्रोत लगायतका छलफल हुने अपेक्षा गरिएको छ।

भ्रमणका क्रममा महत्वपूर्ण सम्झौतामा हस्ताक्षर हुने सरकारी अधिकारीहरुले बताएका छन्।

उच्च कूटनीतिक स्रोतका अनुसार १९ पुसमा जयशंकर नेपाल आउने र २० पुसमा भारत फिर्ता हुने गरी दुवै देशका परराष्ट्र मन्त्रालयले तयारी गरिरहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भीरबाट खसेर प्रधानाध्यापकको मृत्यु

कृषि बालीमा धेरै विषादी प्रयोग नगर्न आग्रह

खानेपानीमन्त्रीकाे कार्यकक्षमा आगलागीः महत्वपूर्ण कागजात जल्न नपाएको मन्त्री यादवको दाबी