कोशी प्रदेश सभामा राजस्व संकलन सम्बन्धी विधेयक प्रस्तुत

राजनीति

नेपाल लाइभ मंगलबार, मंसिर १९, २०८० १७:१३

विराटनगर- कोशी प्रदेश सभाको मंगलबारको बैठकमा आन्तरिक मामिला तथा कानुन मन्त्री शम्शेर राईले ‘कोशी प्रदेश राजस्व सङ्कलनसम्बन्धी विधेयक, २०८०’ प्रस्तुत गरेका छन्।

बैठकले विषयगत समितिका कार्यविधि आफैं बनाउने सम्बन्धी प्रदेश सभा नियमावली, २०७४ (पहिलो संशोधन) को नियम १९८ बमोजिम सभामुखबाट जारी भएको बाधा अडकाउ फुकाउने आदेश सर्वसम्मतले पारित गरेको छ।

उक्त आदेशको प्रस्तावक नेकपा (एमाले) संसदीय दलका प्रमुख सचेतक रेवतीरमण भण्डारी र खगेस्वरी पौडेल समर्थक थिए।

बैठकमा प्रदेश सभा सदस्य किशोरचन्द्र दुलालले प्रदेशमा चार महिनापछि पारित भएको बजेटलाई समयमै सम्बन्धित निकायमा पुर्‍याउन माग गरे। प्रदेश सभा सदस्य गोम्बु शेर्पाले सभामुखविहीन प्रदेश सभामा सभामुख चयन गर्ने प्रक्रिया थाल्न सभाको ध्यानाकर्षण गराए भने अर्का सदस्य तिलचन पाठकले निषेधको राजनीतिक नगर्न आह्वान गरे।

प्रदेश सभा सदस्य रमेशकुमार बस्नेत, विदुरकुमार लिंथेप, ज्ञानेन्द्र सुवेदीले समसामयिक विषयमा सदन र सरकारको ध्यानाकर्षण गराए।

सभामा प्रदेश प्रमुखको कार्यालयबाट प्राप्त विधेयक प्रमाणीकरण सम्बन्धी पत्र र मन्त्रिपरिषद्को कार्यविभाजन सम्बन्धी पत्रबारे जानकारी दिएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खानेपानीमन्त्रीको कार्यकक्षमा आगलागीः घटनाबारे अनुसन्धान गर्न समिति गठन

कानून र नीतिगत सुधारलाई प्राथमिकता दिएर काम गरेका छौं : गृहमन्त्री लेखक

भीरबाट खसेर प्रधानाध्यापकको मृत्यु