ओलीकै कारण कम्युनिस्ट आन्दोलन धुजाधुजा हुन पुग्यो : जगन्नाथ खतिवडा

राजनीति

नेपाल लाइभ मंगलबार, मंसिर १९, २०८० १६:२६

काठमाडौं- नेकपा एकीकृत समाजवादीका उपपहासचिव जगन्नाथ खतिवडाले ओलीकै कारण कम्युनिस्ट आन्दोलन धुजाधुजा भएको बताएका छन्। पार्टीको सचिवालय बैठकका क्रममा मंगलबार पत्रकारहरूसँग कुरा गर्दै उनले त्यस विषयलाई आम नेपाली जनताले बुझेको बताए।

'यो मुलुकको लोकतान्त्रिक गणतन्त्रको, राजनीतिको, यहाँको स्थिरताको खलनायकको भूमिका केपी ओली र उहाँको नेतृत्वले खेलिरहेको छ भन्ने कुरा मुलुकलाई जगजाहेर छ', उनले भने।

ओलीले झुलाघाट-चिवाभञ्ज्याङ अभियानका क्रममा नेकपा एकीकृत समाजवादीप्रति गरेको कटाक्षका सन्दर्भमा जवाफ दिँदै उनले त्यसबाट आफ्नो पार्टी नसकिने बताए।

'आफ्ना गल्तीहरू ढाकछोप गर्नका निम्ति नेकपा एकीकृत समाजवादीलाई जति धेरैसम्म उहाँले गाली र श्राप गर्न सक्नुहुन्छ, गर्नुभए हुन्छ', खतिवडाले भने, 'गाली, आलोचना, श्रापले नेकपा एकीकृत समाजवादी सकिँदैन। बरु यहाँहरूकै व्यक्तित्व समाप्त हुँदै जान्छ भन्ने हामीलाई लाग्छ।'

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खानेपानीमन्त्रीको कार्यकक्षमा आगलागीः घटनाबारे अनुसन्धान गर्न समिति गठन

कानून र नीतिगत सुधारलाई प्राथमिकता दिएर काम गरेका छौं : गृहमन्त्री लेखक

भीरबाट खसेर प्रधानाध्यापकको मृत्यु