काठमाडौं- नेपाली कांग्रेसका महामन्त्री गगन थापाले २०८४ को निर्वाचन आफूहरूको चिन्ताको विषय नभएको बताएका छन्। उनले अहिले आफूहरूको नेतृत्वमा भएका पालिकादेखि संघीय सरकारबाट काम गर्नुपर्ने बताए।
उनले ३३२ पालिकाको प्रमुख, २६६८ वडाको अध्यक्ष कांग्रेस भएको बताए। त्यस्तै कांग्रेस देशको सबैभन्दा ठूलो पार्टी भएको, चार वटा मुख्यमन्त्री काग्रेसकै नेतृत्वमा भएको, प्रदेश र संघमा कांग्रेसका मन्त्रीहरू भएको र केही समयपछि कांग्रेसकै व्यक्ति प्रधानमन्त्री बन्ने भएकाले काम गरेर देखाउनुपर्ने बताए।
'सिंगो देशमा चुनाव लड्ने। चुनाव जित्ने। पाँचपाँच वर्ष सरकार चलाउने मौका पाउने। अनि पाँच वर्षको जिम्मा लिन छाडेर अरुले गाएको गीतमा ८४, ८४ भनेर कोही गीत गाएर बसेको छ। कोही चिन्ता गरेर बसेको छ। साथीहरूलाई 'दाइ के छ हालखबर?' भनेर सोध्यो भने 'ठिक छ, तर ८४ त गयो' भन्नुहुन्छ', उनले पार्टी पंक्तिप्रति कटाक्ष गरे।
उनले अहिले देश २०८० मै रहेको भन्दै आफूहरूले काम गरेर जनतालाई २०८४ को चुनावमा देखाउनुपर्ने बताए। 'काम गर्ने हो, २०८४ ड्याङ्काड्याङ देखाउने हो भन्ने आँटै छैन हामीलाई। गयो गयो भन्छौँ', उनले भने, '२०८० मा छौँ। अनि म साथीहरूलाई भन्छु, २०८०, २०८१, २०८२ र २०८३ मा काम गर्न सकिएन भने २०८४ मा चुनाव किन जित्ने? हारौँला नि एकपटक। के बिग्रिन्छ? जित्नैपर्छ भन्ने छ?'
उनले सरकारमा बसेर जनताको सेवा गर्नका लागि र परिणाम ल्याउनका लागि चुनाव जितिएको स्मरण गराए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778036869.gif)
-1764146706.png)
