देउवा भन्छन्– गणतन्त्रको विरोध गर्नुको अर्थ छैन, बदलिने कुरा छैन

राजनीति

नेपाल लाइभ सोमबार, मंसिर ११, २०८० १२:४२

भरतपुर– नेपाली कांग्रेसका सभापति एवम् पूर्वप्रधानमन्त्री शेरबहादुर देउवाले गणतन्त्रको विकल्प नभएको बताएका छन्। सोमबार चितवन पुगेका देउवाले भरतपुर विमानस्थलमा पत्रकारहरुसँग कुरा गर्दै गणतन्त्रको विरोध गर्नुको अर्थ नभएको बताए।

सभापति देउवाले भने, ‘गणतन्त्रको विरोध गर्नुको अर्थ छैन, बदलिने कुरा छैन।’

गणतन्त्र बिरोधी गतिविधिबाट राजनीतिक दलहरु अत्तालिएका हुन्? भन्ने प्रश्नको जवाफमा देउवाले को अत्तलियो? भन्दै प्रतिप्रश्न गरे। देउवाको जवाफ थियो, ‘को अत्तालियो? हामी अत्तालिएका छैनौँ।’

वर्तमान सत्तारुढ गठबन्धन दलको सत्ता साझेदारीका विषयमा पनि सभापति देउवालाई पत्रकारहरुले प्रश्न गरेका थिए। सरकारका नेतृत्वका विषयमा भएको आलोपालोको सहमतिबारे उनले स्पष्ट जवाफ दिएनन्। गठबन्धन दलको सत्ता साझेदारी कसरी हुन्छ? भन्ने प्रश्नमा देउवाको जवाफ थियो– ‘थाहा पाइहाल्नु हुन्छ नि।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नयाँ अध्ययन: महिलामा क्यान्सरका घटना बढ्दै, पुरुषमा घट्दै

सरकार ढल्न लाग्यो भन्नु विपक्षीको छटपटी मात्र हो : उपमहासचिव ज्ञवाली

फुल कन्ट्याक्टमा नेपाललाई ६ स्वर्णसहित २५ पदक