काठमाडौं- पहुँचको भरमा आकर्षक ठाउँको पोस्टिङ पाइराख्ने तर फिल्ड तथा कार्यसम्पादनमा भने प्रश्न उठिराख्ने प्रवृत्ति प्रहरीमा व्यापक छ। विभिन्न शक्तिकेन्द्र रिझाएर आकर्षक ठाउँको इन्चार्ज पाउने तर कार्यसम्पादनमा भने बारम्बार प्रश्न गरेको छ।
शक्तिकेन्द्र रिझाएर आकर्षक जिल्लाको कमाण्ड सम्हालेका तर कार्यसम्पादनमा भने कमजोर देखिएपछि प्रहरी प्रधान कार्यालयले चार जिल्ला इन्चार्ज एसपीहरुलाई तानेको छ। जसमा धनुषाका एसपी विश्वराज खड्का, बाँकेका एसपी सन्तोषसिंह राठौर, सर्लाहीका एसपी नरेशराज सुवेदी, पश्चिम नवलपरासीका एसपी विनोद सिलवाल छन्।
उनीहरु सबै कार्यसम्दानमा अब्बल भएर भन्दा पनि शक्तिकेन्द्र रिझाएर आकर्षक जिल्लाको कमाण्ड गर्न पुगेका थिए। तर उनीहरुलाई जिम्मेवारी सम्हालेको चार महिनादेखि नै प्रहरी हेडक्वाटरले तानेको छ।
कार्यसम्दानमा प्रश्न उठेपछि पछिल्लो पटक तानिएका एएसपी हुन् विश्वराज खड्का। उनी जिल्ला प्रहरी कार्यालय धनुषाका इन्चार्ज थिए। गृह मन्त्रालयको निर्देशनमा प्रहरी प्रधान कार्यालयले एसपी खड्कालाई कात्तिक २० गते जिम्मेवारीबाट हटाएको थियो। उनलाई प्रहरी प्रधान कार्यालयको अपराध अनुसन्धान विभागमा तानेर अर्का एसपी मित्रबन्धु शर्मालाई पठाएको छ।
गत वर्षको पुस ४ गते धनुषा सरुवा भएका खड्काको अवधि नपुग्दै सरुवा हुनुमा उनको कार्यसम्पादनमा प्रश्न उठ्यो। एसपी खड्काको जिम्मेवारी खोसिनुमा आरती साहको मृत्यु घटना जोडिएको छ।
गत जेठ ७ गते साह आफ्नै घरमा मृत अवस्थामा भेटिएकी थिइन्। सो प्रकरणमा आरतीका श्रीमान् मोतीबाबु साह र ससुरा मदन मोहनलाई जिल्ला अदालत धनुषाले पुर्पक्षका लागि कारागार समेत पठाएको थियो। मृत्यु शङ्कास्पद भएको र अनुसन्धानको क्रममा धनुषाका एसपी विश्वराज खड्काले मुद्दा कमजोर बनाएको उनीहरुको आरोप छ।
कार्यसम्पादनमा प्रश्न उठेपछि एसपी खड्का अवधि नपुग्दै सरुवा भए।
पूर्व गृहमन्त्री तथा दिवंगत भइसकेका कांग्रेसका नेता खुमबहादुर खड्काका भतिजा उनी पहुँचका भरमा पटकपटक आकर्षक पोस्टिङ पाउने अधिकृतको रुपमा चिनिन्छन्।
उनले कमाण्डका गरेका प्रहरी वृत्त बालाजु, दरबारमार्ग, इलाका प्रहरी कार्यालय गजुरी, जिल्ला प्रहरी कार्यालय म्याग्दी, इलाका प्रहरी कार्यालय राजापुर सबैतिर उनी विवादरहित बन्न सकेनन्। जिल्ला प्रहरी ललितपुर परिसरमा कार्यरत रहँदा उनी घुसमा समेत मुछिएका थिए।
त्यसैगरी शक्तिकेन्द्र नै रिझाएर आकर्षक ठाउँको कमाण्ड सम्हालेका तर कार्यसम्पादन कमजोर भएपछि तानएका अर्का एसपी हुन् बाँकेका सन्तोषसिंह राठौर। गत असोजको अन्तिम साता गृह मन्त्रालयको निर्देशनमा राठौरलाई जिम्मेवारीबाट हटाएर अर्का एसपी सुवासचन्द्र बोहरालाई बाँके प्रहरी प्रमुखको जिम्मेवारी दिइएको थियो।
बाँकेमा हिन्दु–मुस्लिमबीच सद्भाव बिग्रिन थालेपछि स्थिति नियन्त्रण लिन नसकेको भन्दै एसपी राठौरको जिम्मेवारी खोसिएको थियो। राठौर कुनै समय हालका प्रधानमन्त्री पुष्पकमल दाहाल प्रचण्डका पर्सनल सेक्युरेटी अफिसर (पीएसओ) थिए। सोही साइनोमार्फत उनले बाँकेको कमाण्ड पाएका थिए।
उनी यसअघि विवादमा आएका प्रहरी अधिकृत हुन्। जिल्ला प्रहरी कार्यालय सर्लाहीको प्रमुख भएको बेला २०७८ कात्तिकमा सार्वजनिक ठाउँमा तास खेलिरहेको भिडिओ बाहिर आएको थियो। त्यतिबेला पनि राठौरको जिम्मेवारी खोसिएको थियो।
राठौरसँगै एकै दिन अर्का एसपी नरेशराज सुवेदीको पनि जिम्मेवारी खोसिएको थियो। संयोग एसपी सुवेदी पनि प्रचण्डकै पीएसओ थिए। डीएसपीबाट एसपी बढुवा हुनेबित्तिकै पीएसओ साइनोमार्फत उनी सर्लाहीको कमाण्डमा पुगेका थिए। उनको पनि कमाण्डमा प्रश्न उठेपछि सुवेदीलाई तानेर उनको ठाउँमा अर्का एसपी प्रवीण धिताललाई पठाइएको छ।
यसअघि चार महिना नबित्दै अर्का एसपी विनोद सिलवाल पनि तानिएका थिए। पश्चिम नवलपरासीमा रहेका उनलाई गत जेठ १९ गते हटाएर उनको ठाउँमा अर्का एसपी काजीकुमार आचार्यलाई पठाइएको थियो। गत माघमा नवलपरासीमा सरुवा भएका उनी चार महिनामै हटाइएका थिए।
कार्यसम्पादन कमजोर देखिएको र भारतसँग सीमा जोडिएका नाकाहरुबाट तस्करी समेत भएको भन्दै उनलाई प्रहरी हेडक्वाटरले हटाएको थियो।
यी चार एसपी मात्रै होइन अन्य एसपीहरुको समेत कार्यसम्पादन कमजोर देखिएको रिपोर्ट यसअघि नै प्रहरी प्रधान कार्यालयमा पुगेको थियो। भारतसँग सीमा जोडिएका जिल्लाहरुबाट तस्करीको लाइन खुलेको भन्ने गुनासो आएपछि प्रहरी प्रधान कार्यालय चार जना एआईजीहरुलाई तराईका जिल्लाहरुमा अनुगमनका लागि खटाएको थियो।
वसन्त कुँवर आईजी भएपछि कोशीमा टेकप्रसाद राई, मधेसमा मीरा चौधरी, लुम्बिनीमा टेकबहादुर तामाङ र सुदूरपश्चिममा सुदीप गिरीलाई खटाएर अनुगमन गरिएको थियो। सोही रिपोर्टको आधारमा एसपी सिलवालको जिम्मेवारी खोसिएको थियो।
अन्य जिल्लाका एसपीहरुको हकमा समेत एआईजीसहितको टोलीले कार्यसम्पादन चित्त बुझ्दा नरहेको भन्दै रिपोर्ट पेस गरेको थियो। तर उनीहरु भने शक्तिकेन्द्रको पहुँचको आधारमा अहिलेसम्म कमाण्डमै रहेका छन्।
एआईजीहरुको रिपोर्टले सिरहा, झापा, मोरङ, धनुषा, महोत्तरी, पर्सा, सर्लाही, रुपन्देही, कैलाली, कपिलवस्तु, दाङका एसपीहरुको कार्यसम्पादन चित्त बुझ्दो नरहेको भन्दै रिपोर्ट दिएको थियो। जसमध्ये धनुषाका एसपी खड्का, पश्चिम नवलपरासीका सिलवाल, सर्लाहीका एसपी सुवेदी, बाँकेका राठौरको जिम्मेवारी खोसिए पनि अन्य एसपीहरु भने आफ्नो कार्यकाल पूरा गरेर मात्रै सरुवा हुने लाइनमा छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1739028950.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1738927672.png)
