दुर्गा प्रसाईंको प्रदर्शनका क्रममा पाँच प्रहरी र २३ प्रदर्शनकारी घाइते, १५७ सेल अश्रुग्यास र पाँच राउन्ड रबरको गोली प्रहार

सुरक्षा/अपराध

नेपाल लाइभ बिहीबार, मंसिर ७, २०८० १९:२०

काठमाडौं– मेडिकल व्यवसायी दुर्गा प्रसाईंले राखेको भेलाका क्रममा भएको झडपमा २३ जना प्रदर्शनकारी र पाँच जना प्रहरी घाइते भएका छन्।

नेपाल प्रहरीले दिएको जानकारी अनुसार २३ जना प्रदर्शनकारीमध्ये १७ जना उपचारपछि फर्किएका छन् भने ६ जनाको काठमाडौं मेडिकल कलेजमा उपचार भइरहेको छ। उनीहरुको अवस्था समान्य रहेको प्रहरीले जनाएको छ।

यस्तै प्रहरी तर्फ घाइते पाँच जनाको प्रहरी अस्पतालमा उपचार गरिएको छ। झडपका क्रममा प्रहरीको मेघाफोन ३ वटा, शिल्ड-११, हेल्मेट-३ वटा र वाटर क्यानन लगायतमा क्षति पुगेको बताइएको छ।

अहिले सुरक्षा व्यवस्थापन सामान्य रहेको र सुरक्षाकर्मीद्वारा निरन्तर निगरानी राखिएको प्रहरीले जनाएको छ।

यस्तै प्रहरीलाई लक्षित गर्दै ढुंगा मुढा प्रहार भएपछि नियन्त्रणमा लिनका लागि पानीको फोहरासँगै १५७ सेल अश्रुग्यास र पाँच राउण्ड रवरको गोली प्रहार गरिएको सुरक्षा रिपोर्टमा उल्लेख छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित