बैंक तथा वित्तीय कर्जासम्बन्धी समस्या देखाएर अराजकता फैलाउन पाइन्न: प्रधानमन्त्री प्रचण्ड

राजनीति

नेपाल लाइभ मंगलबार, मंसिर ५, २०८० १६:२१

काठमाडौं– प्रधानमन्त्री पुष्पकमल दाहाल 'प्रचण्ड'ले मुलुकको अर्थतन्त्रका समस्या समाधानका लागि अझै गहन छलफल हुनुपर्ने बताएका छन्।

सिंहदरबारमा मंगलबार सरकार र निजी क्षेत्रबीचको छलफलमा बोल्दै प्रधानमन्त्री दाहालले अर्थतन्त्रका कयौं सूचकहरू सकारात्मक देखिएको र अर्थतन्त्र दबाबमुक्त भयो भन्ने ठाउँमा भने नपुगिएको बताए।

‘नेपालको अर्थतन्त्रको वर्तमान अवस्था के छ, कसरी अघि बढ्ने भन्ने सन्दर्भमा सरकारले सोचिरहेको छ। गत सालबाट यहाँसम्म आउँदा अर्थतन्त्रका कयौं सूचक सकारात्मक देखिएका छन् तर अर्थतन्त्र दबाबमुक्त भयो भन्ने ठाउँमा अझै पुगेको छैन,’ प्रधानमन्त्री दाहालले भने, ‘त्यसकारण यसलाई हामीले गम्भीर विमर्शसहित समुचित निस्कर्षमा पुग्नुपर्ने आवश्यकता छ।’

उनले अर्थतन्त्रका समस्या समाधानका लागि सबै मिलेर जानुपर्ने बताए। ‘सबै मिलेर यसको सामना नगर्ने हो भने संकट गहिरिँदै जानेछ,’ उनले भने।

प्रधानमन्त्री दाहालले बैंक तथा वित्तीय संस्थाका कर्जासम्बन्धी समस्या देखाएर राजनीतिक फाइदा उठाउने प्रयास भइरहेको पनि बताए।

‘सहकारी, लघुवित्त, बैंक ब्याज, व्यवसायीको कर्जा सम्बन्धीका समस्या विगतमा विभिन्न कारणले पैदा भए पनि एकथरीले यो समस्या देखाएर राजनीतिक फाइदा उठाउने प्रयास गरिरहेका छन्,’ मेडिकल व्यवसायी दुर्गा प्रसाईंले मंसिर ७ मा गर्न लागेको कार्यक्रमतर्फ लक्षित गर्दै प्रधानमन्त्री दाहालले भने, ‘समाजमा अविश्वास र अराजकता फैल्याउने प्रयास भइरहेको छ, यसो हुन दिइन्न। ऋण र ब्याज तिर्न पर्दैन भन्नेजस्ता अराजक कुरा गर्न थालेका छन्, त्यस्तो अराजकतालाई छुट दिन सकिन्न।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जनकपुर बोल्टसविरूद्ध अभद्र र अपमानित नारा लगाउनेमाथि कारबाही गर्न मधेसी आयोगको सिफारिस

सिरहामा एकवर्षमा मानवअधिकार उल्लङ्घनका अठासी घटना

एनपीएलमा च्याम्पियन बनेको जनकपुर बोल्ड्सको यस्तो छ यात्रा