प्रधानमन्त्रीलाई विप्लवको चेतावनी- जनताको मुख थुनेर सत्ता टिक्छ भन्ने नसोच्नुस्

राजनीति

नेपाल लाइभ शनिबार, मंसिर २, २०८० १९:१२

काठमाडौं– नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ले जनताको मुख थुनेर सत्ता टिक्ने नसोच्न प्रधानमन्त्री पुष्पकमल दाहाल ‘प्रचण्ड’लाई चेतावनी दिएका छन्।

शनिबार काठमाडौंमा आयोजित एक कार्यक्रमलाई सम्बोधन महासचिव विप्लवले सरकारले टिकटक प्रतिवन्ध लगाएको विषयबारे बोल्दै सामाजिक सञ्जालमा प्रतिबन्ध लगाएर सत्ता टिकिरहन्छ भन्ने नठान्न प्रधानमन्त्री पुष्पकमल दाहाललाई चेतावनी दिएका हुन्।

उनले सामाजिक सञ्जालको प्रतिवन्ध निरंकुश व्यवस्थाको चरित्र भएको बताए। उनले सत्ता जनताको मुख बन्द गरेर नभइ जनताको मन जितेर मात्रै टिक्ने बताए । उहाँले जनताको मुख थुनेर शासन चलाउँछु भन्नेहरुको चाँडै अन्त्य हुने बताए।

‘फेसबुक बन्द गर्ने, लेख्न नदिने, पत्रिका बन्द गर्ने त निरंकुश व्यवस्थाको चरित्र हो। हिजो पेपर बन्द गरिदिएको जस्तो। पञ्चायतले आफूले भनेअनुसार लेख, नत्र पाइँदैन भनेजस्तो भयो,’ उनले भने, ‘मुख बन्द गरेर होइन जनताको मन जितेर टिक्स सत्ता।’

महासचिव विप्लवले देश बचाउने जिम्मा नेपाल कम्युनिष्ट पार्टीले लिने बताए। देशमा अब राजतन्त्र फर्किने कुरा सम्भव नरहेको बताउँदै उनले सम्पूर्ण कम्युनिष्टहरु एक ठाउँमा उभनुपर्नेमा जोड दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रतिनिधिसभा बैठक बस्दै, यस्तो छ कार्यसूची

सल्यान महोत्सवका स्टलहरूमा आगलागी, करोडौँको सामाग्री जलेर ध्वस्त

नेपालगन्जबाट काठमाडौँ आउँदै गरेको बस चितवनमा दुर्घटना