कोशीका मुख्यमन्त्रीलाई प्रश्नः ‘विद्रोह गर्दा साथ दिएको एमालेलाई किन बिर्सिनु भयो?’

राजनीति

सांसदको प्रश्न मुख्यमन्त्रीको उत्तरःकोशीका मुख्यमन्त्रीलाई प्रश्नः ‘विद्रोह गर्दा साथ दिएको एमालेलाई किन बिर्सिनु भयो?’

नेपाल लाइभ बिहीबार, कात्तिक २३, २०८० १५:५६

काठमाडौं– एमाले कोशी प्रदेश सांसद बुद्धिकुमार राज भण्डारीले मुख्यमन्त्री केदार कार्कीलाई एमालेको साथ छाड्नुको कारण सोधेका छन्। बिहीबार बसेको प्रदेश सभा बैठकमा सांसदको प्रश्न मुख्यमन्त्रीको उत्तर कार्यक्रममा सांसद भण्डारीले उक्त प्रश्न गरेका हुन्।

उनले प्रश्न गर्दै भने,‘हिजो विद्रोह गरेर मुख्यमन्त्री बन्नुभयो। एमालेले साथ दियो। आज त्यो किन बिर्सिनु भयो?’

जवाफमा मुख्यमन्त्री कार्कीले आफूले एमालेलाई नछोडेको दाबी गरे।

‘सरकारले नेकपा एमालेलाई छोडेको छैन। एमाले प्रतिपक्षमा आफ्नै इच्छाले बसेको हो। म यति भन्छु। मैले खोलो तर्दा लौरो बिर्सेको छैन। लौरो सुरक्षित राखेको छु,’ उनले जवाफ दिए।

असोज २७ गते संघीय गठबन्धनको निर्णय विपरीत गएर कांग्रेस सांसद कार्की एमालेको समर्थनमा मुख्यमन्त्री बनेका थिए।

तर पछि एमालेसँगको सहमति विपरीत माओवादी लगायतका दलहरुलाई सरकारमा सहभागी गराएपछि एमाले सरकारबाट बाहिरिसकेको छ तर समर्थन भने कायमै छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

इटहरी गोल्डकप फुटबल फागुन ३ गते देखि हुँदै

भरतपुरको ६ स्थानमा ‘ट्राफिक लाइट’ राखिने

आहा–रारा गोल्डकपमा आज थ्रीस्टार र मछिन्द्र भिड्दै