प्रधानमन्त्रीसहित मन्त्रीहरुले १ महिनाको तलब भूकम्पपीडितलाई दिने

समाचार

नेपाल लाइभ बिहीबार, कात्तिक २३, २०८० १३:४३

काठमाडौं– प्रधानमन्त्रीसहित मन्त्रिपरिषद्का सबै सदस्यहरूले भूकम्प पीडितहरूका लागि १ महिनाको पारिश्रमिक दिने भएका छन्। बिहीबार बसेको मन्त्रिपरिषद्को बैठकले सो निर्णय गरेको सरकारका प्रवक्ता रेखा शर्माले जानकारी दिइन्।

त्यस्तै, इन्धनमा लगाउँदै आएको पूर्वाधार शुल्कमध्ये ५ रुपैयाँ प्रतिलिटर बुढीगण्डकी जलविद्युत आयोजनाका लागि उपलब्ध गराउने व्यवस्था गर्ने निर्णय पनि भएको छ। यसबाट बुढीगण्डकीको काम तदारुकताका साथ अगाडि बढ्ने मन्त्री शर्माको भनाइ छ।

‘नेपाल सरकारले नेपाल विद्युत् प्राधिकरणमार्फत् कर्णाली चिसापानी जलविद्युत आयोजनाको अध्ययन अघि बढाउने भन्ने पनि निर्णय भएको छ,’ शर्माले भनिन्।

त्यस्तै, मोरङको विराटनगर, काठमाडौंको मूलपानी र चितवनको भरतपुर क्रिकेट रंगशालालाई राष्ट्रिय गौरवको आयोजनाका रुपमा अगाडि बढाउने निर्णय भएको छ।

निजगढ अन्तर्राष्ट्रिय विमानस्थलको निर्माण सम्बन्धमा सुझाव दिन गठित विज्ञ समूहको प्रतिवेदन कार्यान्वनयका लागि संस्कृति पर्यटन तथा नागरिक उड्ड्यन मन्त्रालयलाई निर्देशन दिने निर्णय पनि भएको छ। ‘यो विमानस्थल निर्माण प्रक्रियामा अगाडि बढाउने भन्ने निर्णय भएको छ,’ शर्माले भनिन्।

मन्त्रिपरिषद्ले पोर्चुगलमा नेपाली राजदूतावास निर्माण गरी सनिल नेपाललाई राजदूत नियुक्त गर्ने निर्णय पनि गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

इटहरी गोल्डकप फुटबल फागुन ३ गते देखि हुँदै

भरतपुरको ६ स्थानमा ‘ट्राफिक लाइट’ राखिने

आहा–रारा गोल्डकपमा आज थ्रीस्टार र मछिन्द्र भिड्दै