राप्रपाले आइतबार बिहानै बोलायो पदाधिकारी बैठक

राजनीति

नेपाल लाइभ शनिबार, कात्तिक १८, २०८० २०:०३

काठमाडौं- राप्रपाको पदाधिकारी बैठक आइतबार बिहान आठ बजे केन्द्रीय कार्यालय धुम्बाराहीमा बस्ने भएको छ। जाजरकोट भूकम्प लगायतका समसामयिक विषयमा छलफल गर्न पार्टीको पदाधिकारी बैठक बोलाइएको प्रवक्ता एवं प्रचार विभाग प्रमुख मोहन श्रेष्ठले जानकारी दिएका छन्।

राप्रपाले जाजरकोट भूकम्पमा परी निधन भएकाहरुप्रति दु:ख प्रकट गरेको छ। घाइतेको उद्धार र राहतमा जुट्न पार्टीको सम्पूर्ण कमिटीलाई सर्कुलर समेत गरिसकेको श्रेष्ठले बताएका छन्।

शनिबार दिउँसो नै उपाध्यक्ष मुकुन्दश्याम गिरी नेतृत्वको टोली सुर्खेतबाट जाजरकोट पुगिसकेको छ। प्रवक्ता ज्ञानेन्द्र शाही अछामबाट जाजरकोट जाँदैछन्। उनलाई अमेरिका भ्रमणमा रहेका अध्यक्ष राजेन्द्र लिङ्देनले सुदूरपश्चिमका सबै कार्यक्रम स्थगित गरी भूकम्पग्रस्त क्षेत्र जाजरकोट पुग्न निर्देशन दिएका छन्।

नेपालगन्जमा सरकारले भूकम्पबाट घाइते भएकाहरुका लागि डेडिकेटेड हस्पिटल तोकेको भेरी अस्पतालमा आवश्यक सहजीकरण गर्न र रगतको अभाव हुन नदिन पार्टीका सहायक महामन्त्री ऋषिराज देवकोटा नेतृत्वको टोलीले रगत संकलन लगायतका मानवीय काम गरिरहेको श्रेष्ठले बताएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नेपाल–भारत उर्जा सचिवस्तरीय बैठक नयाँदिल्लीमा बस्दै

इजरायलले युद्धविराम सम्झौता उल्लंघन गरेको भन्दै हमासले गर्यो बन्धक रिहाइ स्थगित गर्ने घोषणा

बन्धकहरूलाई रिहा नगरिए युद्धविराम रद्द गर्नुपर्ने हमासलाई ट्रम्पको चेतावनी