शान्ति प्रक्रियाको बाँकी काम पूरा गर्न संयुक्त राष्ट्रसंघ तयार छः महासचिव गुटेरेस

राजनीति

नेपाल लाइभ आइतबार, कात्तिक १२, २०८० १६:०१

काठमाडौं– नेपाल भ्रमणमा रहेका संयुक्त राष्ट्रसंघका महासचिव एन्टोनियो गुटेरेसले बाँकी रहेको शान्ति प्रक्रियाको काम पूरा गर्न संयुक्त राष्ट्रसंघले नेपाललाई सघाउन तयार रहेको बताएका छन्।

प्रधानमन्त्री पुष्पकमल दाहाल प्रचण्डसँगको दुई पक्षीय भेटपछि आयोजित संयुक्त पत्रकार सम्मेलनमा महासचिव गुटरेसले उक्त प्रतिबद्धता जाहेर गरेका हुन्।

त्यसअघि प्रधानमन्त्रीसँगको भेटवार्तामा प्रचण्डले महासचिव गुटरेसँसँग संक्रमणकालीन न्यायको पाटो बाँकी रहेको शान्ति प्रक्रियाको बाँकी काम पूरा गर्न उनीसमक्ष आग्रह गरेका थिए।

महासचिव गुटरेसले सो काम पूरा गर्न संयुक्त राष्ट्रसंघले तीन वटा आधार लिने पनि बताएका छन्।

उनले भने, ‘संक्रमणकालीन न्यायले पीडित परिवार र समुदायमा शान्ति ल्याउन मद्दत गर्नुपर्छ। संयुक्त राष्ट्रसंघ नेपाललाई अन्तर्राष्ट्रिय मापदण्ड, सर्वोच्च अदालतको आदेश र पीडितका आवश्यकताहरू पूरा गर्ने प्रक्रियाको विकास गर्न र त्यसलाई व्यवहारमा उतार्न सहयोग गर्न तयार छ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

‘कोशी प्रदेश ऐनलाई संशोधन गर्न बनेको अध्यादेश, २०८१’ सदनमा पेस

अवैध नदीजन्य पदार्थ उत्खनन् तत्काल बन्द गराउन सर्वोच्च अदालतको परमादेश

उच्च अदालत विराटनगर : पूर्वमुख्यमन्त्री थापालाई गाडी सुविधा दिने कोशी सरकारको निर्णय कार्यान्वयन नगर्नु