विश्वप्रकाश शर्माको आग्रह- ‘कोशी घटना’लाई ‘डढेलो’ बन्न नदिन संयम र परिपक्वता राखौं!

राजनीति

नेपाल लाइभ आइतबार, असोज २८, २०८० १७:४६

काठमाडौं- नेपाली कांग्रेसका महामन्त्री विश्वप्रकाश शर्माले ‘कोशी घटना’लाई ‘डढेलो’ बन्न नदिन संयम र परिपक्वता राख्नुपर्ने आग्रह गरेका छन्। सामाजिक सञ्जाल ‘एक्स’मा एक ‘थ्रेड’ लेख्दै उनले सल्लाहले ‘डिभोर्स’ गर्न मिल्छ तर घरायसी ठाकठुकमा छिमेकतिर लहसिन नहुने बताएका छन्। ‘पुस १०’ पनि नबिर्सन उनको आग्रह छ।

शर्माले गठबन्धन गरिसकेपछि राम्रो-नराम्रो सबै बेहोर्नुपर्ने बताएका छन्। ‘एकल बहुमत नभएपछि सहकार्यको संस्कृति मान्नैपर्छ’, उनले लेखेका छन्।

सहकार्यको संस्कृति पालना गर्न आफूहरूलाई निर्वाचनले नै निर्देश गरेको र गणित नै त्यस्तो रहेको उनको भनाइ छ। यस्तो बेला नेतृत्वले निरन्तर संवादमार्फत् संगठित संयम र एकीकृत परिपक्वता प्रस्तुत गर्न जरुरी रहेको उनले लेखेका छन्।

कोशी प्रदेशको मुख्यमन्त्रीका सन्दर्भमा शर्माले लेखेका छन्- ‘व्यक्ति चयनमा संस्थागत प्रक्रिया न सभापतिले अपनाउनु भयो, न 'फरक विचार समूहको नेता'ले आफ्नै समूहभित्र 'साझा मत' खोज्नुभयो। थोरै फरक, करिब उस्तै शैलीले पार्टीको हित हुन्न’, शर्माको भनाइ छ।

उनले अन्तिममा सन्देश दिएका छन्, ‘जमाना बदलिएको छ, अब तपाईंहरु बदलिनुस्। हामी बदलिन तयार छौं। पार्टीको हित तपाईं हामी बदलिनुमा सन्निहित छ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सहकारी ठगी प्रकरण: कास्की अदालतमा आजदेखि रवि लामिछानेसहित प्रतिवादी तर्फका वकिलहरूले बहस गर्ने

बझाङमा जिप दुर्घटना हुँदा चालकसहित ५ जनाको मृत्यु

अब भ्रष्टाचारको मुद्दामा टेलिफोन वा सञ्चार माध्यमको विवरण लिएर अनुसन्धान गर्न सकिने