काठमाडौं– प्रधानमन्त्री पुष्पकमल दाहाल प्रचण्डले मन्त्रिपरिषद्को आकस्मिक बैठक बोलाएका छन्। सुन तस्करी छानबिनका लागि उच्चस्तरीय आयोग गठन र पेट्रोलियम पदार्थमा भएको मूल्यवृद्धिका विषयमा ‘आवश्यक’ निर्णय गर्न भन्दै प्रधानमन्त्रीले मन्त्रिपरिषद्को बैठक बोलाएका हुन्।
नेपाल आयल निगमले शनिबार रातिदेखि लागु हुने गरी पेट्रोलियम पदार्थको मूल्य बढाएपछि विरोध भइरहेको छ। अन्तर्राष्ट्रिय बजारमा पेट्रोलियम पदार्थको मूल्य बढेको भन्दै निगमले स्वचालित मूल्य प्रणालीअनुसार पेट्रोल, डिजेल तथा खाना पकाउने ग्यासको मूल्य बढाएको हो।
मन्त्रिपरिषद्को बैठकले स्वचालित मूल्य प्रणालीको पुनरावलोकनका सन्दर्भमा निर्णय गर्ने प्रधानमन्त्री सचिवालय स्रोतले जानकारी दिएको छ।
यस्तै, साउन २ गते त्रिभुवन अन्तर्राष्ट्रिय विमानस्थलको भन्सारबाट जाँचपास भइसकेको अवस्थामा बरामद भएको ६० किलो बढीसहित तस्करीको सुन तस्करीको जाँचबुझका लागि उच्चस्तरीय आयोग गठनबारे पनि मन्त्रिपरिषद्ले निर्णय गर्ने बताइएको छ।
आइतबार बिहान एमाले अध्यक्ष केपी शर्मा ओलीसहित नेताहरुसँग प्रधानमन्त्री प्रचण्डले गरेको छलफलमा सुन तस्करीको छानबिनका लागि उच्चस्तरीय आयोग गठन गर्ने सहमति भएको छ।
नेकपा एमालेका सचेतक महेश बर्तौलाले आइतबार प्रतिनिधि सभा बैठक बस्नु अगाडि मन्त्रिपरिषद् बैठकबाट आयोग गठन गर्ने सहमति भएको जानकारी दिएका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
