प्रधानमन्त्रीले बोलाएको सर्वदलीय बैठक रास्वपाद्वारा बहिस्कार

राजनीति

नेपाल लाइभ आइतबार, असोज १४, २०८० ११:०६

काठमाडौं– राष्ट्रिय स्वतन्त्र पार्टीका सभापति रवि लामिछानेले प्रधानमन्त्री पुष्पकमल दाहाल ‘प्रचण्ड’ले बोलाएको सर्वदलीय बैठक बहिस्कार गरेको बताएका छन्। सरकारले पेट्रोलियम पदार्थको मूल्य बढाएकोप्रति आपत्ति जनाउँदै रास्वपाले बैठक बहिस्कार गरेको सभापति लामिछानेले उल्लेख गरेका छन्।

रास्वपा सभापति लामिछानेले सामाजिक सञ्जालमा एक सन्देश लेख्दै पेट्रोलियम पदार्थमा भएको मूल्यवृद्धिप्रति विरोध जनाउँदै प्रधानमन्त्रीले बोलाएको बैठक बहिस्कार गरेको बताएका छन्।

‘चाड पर्वहरुको मुखमा आम उपभोक्ताहरुलाई मार पर्ने गरी सरकारले गरेको मुल्यवृद्धिप्रति हाम्रो गम्भीर आपत्ति छ। यसको विरोध स्वरूप आज (आइतबार) प्रधानमन्त्री ज्युले बोलाउनुभएको बैठक हामीले बहिस्कार गरेका छौँ। थप कार्यक्रमबारे जानकारी दिनेछौँ,’ लामिछानेले सामाजिक सञ्जालमा भनेका छन्।

प्रधानमन्त्री प्रचण्डले आइतबारका लागि संसद्‌मा प्रतिनिधित्व गर्ने, राष्ट्रिय मान्यताप्राप्त ७ दलको बैठक बोलाएका छन्। सुन तस्करी प्रकरणको छानबिनका लागि उच्चस्तरीय छानबिन समिति गठन, संसद् बैठक सञ्चालन लगायतबारे छलफल गर्न प्रधानमन्त्रीले आइतबारका लागि सर्वदलीय बैठक डाकेका हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यू–१९ महिला विश्वकप: समूहचरणको अन्तिम खेल अस्ट्रेलियाविरुद्ध खेल्दै नेपाल

वामदेव एमाले प्रवेश गर्ने पक्का, सचिवालयले गर्‍यो सहकार्य गर्ने निर्णय

स्वदेशी वस्तु प्रयोगमा जुट्दै सरकार